Suriya: ஒரு முட்டாள் பதிவு போட்டான் என்பதற்காக... - ரசிகர்கள் கூட்டத்தில் சூர்யா

சூர்யாவுக்கு கருப்பு, விஸ்வநாத் & சன்ஸ் என இரண்டு படங்கள் இந்த ஆண்டு வெற்றியைப் பெற்றுத் தந்திருக்கின்றன. அத்தோடு தீபாவளி வெளியீடாக மலையாள இயக்குநர் ஜீத்து ஜோசப் இயக்கத்தில் அவர் நடித்திருக்கும் சீன் படமும் வருகிறது.

நேற்று சென்னையில் அகில இந்திய சூர்யா ரசிகர் மன்ற நிர்வாகிகள் கூட்டம் நடைபெற்றது. அந்த நிகழ்வில் சூர்யா பேசியவை இணையத்தில் வைரலாகி வருகின்றன.

அந்தக் காணொளியில் அவர், "அன்பை மட்டுமே விதைப்போம். ஒரு சோஷியல் மீடியாவில் ஒரு முட்டாள் ஒரு பதிவைப் போட்டான் என்பதற்காக நாம் பதிலளிக்கும்போதுதான் நாம் காயப்படுவோம்.

நாம் நம்மளாகவே இருப்போம், அவர்கள் அவர்களாகவே இருக்கட்டும். அவர்களுக்குப் புரிய வைப்பதும், அவர்களை மாற்ற வேண்டும் என்று முயற்சி செய்வதும் கொஞ்சம் கஷ்டம்.

சில பேருக்குப் புரியும், ஆனால் பல பேருக்கு அது புரியாது. அதனால் நீண்ட நேரம் பேசி உங்களுடைய எனர்ஜியை அதில் வேஸ்ட் பண்ணிக்கொள்ள வேண்டாம்.

உங்களுக்குப் பிடித்ததைத் தினம் தினம் செய்யுங்கள். உங்கள் குழந்தைகளுக்கும் சரி, இந்த உலகம் வேகமாக மாறிக்கொண்டு இருக்கிறது, ஆனால் உங்களுக்குப் பிடித்ததைத் தினம் தினம் சின்சியராகச் செய்தால், நிச்சயமாக அதில் வெற்றி கிடைக்கும்.

நிச்சயமாக அதில் வெற்றி கிடைக்கும். உங்கள் குடும்பத்தை நன்றாகப் பார்த்துக்கொள்ள முடியும். நம்மைச் சுற்றி இருப்பவர்களுக்குத் திரும்பத் திரும்ப நான் அன்பை மட்டுமே கொடுக்க விரும்புகிறேன்." எனப் பேசியிருக்கிறார்.

மேலும் படிக்க »

இந்த செய்தியைப் பற்றிய கருத்தை பதிவு செய்யுங்கள். மேலும் இந்த செய்தியை உங்கள் நண்பர்களுடன் பகிர்ந்து கொள்ளுங்கள்.