இந்திய வீராங்கனையை அடித்தாரா பாகிஸ்தான் பந்துவீச்சாளர்.. இணையத்தில் பரவும் அதிர்ச்சி வீடியோ

 

 

பெண்கள் டி20 உலகக்கோப்பை 2026 தொடரில், பாகிஸ்தானுக்கு எதிரான ஆட்டத்தில் இந்திய அணி 64 ரன்கள் வித்தியாசத்தில் அபார வெற்றி பெற்றது. இந்த ஆட்டத்திற்கு மத்தியில், சமூக ஊடகங்களில் ஒரு அதிர்ச்சியூட்டும் வீடியோ வைரலாக பரவியது. அதில், பாகிஸ்தான் வீராங்கனை ஒருவர் இந்திய பேட்டரை பிட்ச்சின் நடுவே தாக்குவது போன்றும், நடுவர்களும் மற்ற வீராங்கனைகளும் அவர்களை தடுத்து பிரிப்பது போன்றும் காட்சிகள் இருந்தன. இதை பார்த்த இருநாட்டு ரசிகர்களும் அதிர்ச்சியடைந்து, உண்மையில் இப்படி ஒரு சம்பவம் நடந்ததா என்று கேள்வி எழுப்பினர்.

 

ஆனால், இந்த வீடியோ முற்றிலும் போலியானது ஆகும். செயற்கை நுண்ணறிவு தொழில்நுட்பத்தை பயன்படுத்தி இந்த வீடியோ உருவாக்கப்பட்டுள்ளது. மைதானத்தில் இப்படி ஒரு அசம்பாவிதம் எதுவும் நடக்கவில்லை என்று உறுதி செய்யப்பட்டுள்ளது.

 

இந்த பரபரப்பான ஆட்டத்தில், இந்திய துணை கேப்டன் ஸ்மிருதி மந்தனாவின் சிறப்பான அரைசதம் மற்றும் தீப்தி சர்மாவின் 5 விக்கெட் வீழ்த்திய அசத்தல் பந்துவீச்சு ஆகியவை இந்தியாவின் வெற்றிக்கு காரணமாக அமைந்தன. ஆயிரக்கணக்கான ரசிகர்கள் நேரில் வந்து கண்டுகளித்த இந்த வரலாற்று போட்டிக்கு மத்தியில், ரசிகர்களை ஏமாற்ற ஏஐ மூலம் போலி வீடியோ பரப்பப்பட்டுள்ளது இப்போதைய டிஜிட்டல் உலகின் ஆபத்தைக் காட்டுகிறது.

 

Edited by Siva

Things got tense in the middle as Harmanpreet Kaur and Fatima Sana Sheikh exchanged some heated words during the India vs Pakistan showdown. ???????????? #INDvsPAK pic.twitter.com/62BZPjzkKr

— Faruk (@uf2151593) June 14, 2026

மேலும் படிக்க »

இந்த செய்தியைப் பற்றிய கருத்தை பதிவு செய்யுங்கள். மேலும் இந்த செய்தியை உங்கள் நண்பர்களுடன் பகிர்ந்து கொள்ளுங்கள்.