கவுண்டமணி இத பண்ணக்கூடாது!.. சின்னக் கவுண்டரில் இப்ராஹிம் ராவுத்தர் போட்ட கண்டிஷன்!..

ஆர்.வி.உதயகுமார் இயக்கத்தில் விஜயகாந்த், சுகன்யா, மனோரமா, கவுண்டமணி, செந்தில் உள்ளிட்ட பலரும் நடித்து 1992ம் வருடம் வெளியான திரைப்படம் சின்ன கவுண்டர். விஜயகாந்தின் சினிமா கெரியரில் முக்கியமான படமாக சின்ன கவுண்டர் அமைந்தது. ஆனால், இந்த படம் ஓடும் என்கிற நம்பிக்கையே இல்லாமல்தான் இந்த படத்தில் விஜயகாந்த் நடித்தார் என்பது பலருக்கும் தெரியாது..

ஏனெனில், விஜயகாந்த் என்றாலே அனல் பறக்கும் வசனங்களும், சண்டை காட்சிகளும் இடம் பெற்றிருந்த காலகட்டம் அது. அப்படிப்பட்ட விஜயகாந்தை அதிகம் பேசவிடாமல், அமைதியாக நடிக்க வைத்தார் ஆர்.வி.உதயகுமார். ஆனால், விஜயகாந்தே ஆச்சர்யபப்டும்படி படம் சூப்பர் ஹிட்.

இந்த படத்தின் வெற்றிக்கு இளையராஜாவின் பாடல்களுக்கும் பங்குண்டு. அதேபோல் கவுண்டமணி, செந்தில் காமெடி காட்சிகளும் ரசிகர்களை சிரிக்க வைத்தது. கவுண்டமணிக்கு வெறும் காமெடி மட்டும் கொடுக்காமல் ஊரே ஒதுக்கும் விஜயகாந்துக்கு ஆதரவு கொடுக்கும் ஒரு நல்ல குணச்சித்திர கதாபாத்திரத்தை ஆர்.வி. உதயகுமார் கொடுத்திருந்தார்..

இந்த பட வேலைகள் துவங்கியபோது விஜயகாந்தின் நெருங்கிய நண்பர் இப்ராஹிம் ராவுத்தர் ஆர்.வி.உதயகுமாரிடம் ஒரு கண்டிஷன் போட்டிருக்கிறார். ‘இந்த படத்தில் நடிக்கும் கவுண்டமணி எந்த ஒரு காட்சியிலும் விஜயகாந்தை நக்கலடிப்பது போல பேசக் கூடாது. அப்படி பேசினால் விஜயகாந்தின் கதாபாத்திரம் நிக்காது’ என்று கணித்து சொல்லியிருக்கிறார்.

ராவுத்தர் சொன்னதை ஆர்.வி.உதயகுமார் படம் முழுவதும் கடைபிடித்திருப்பார். அப்படி விஜயகாந்தின் இமேஜ் எந்த வகையிலும் சரிந்துவிடக்கூடாது என்பதில் உறுதியாக இருந்தவர்தான் இப்ராஹிம் ராவுத்தர்.

மேலும் படிக்க »

இந்த செய்தியைப் பற்றிய கருத்தை பதிவு செய்யுங்கள். மேலும் இந்த செய்தியை உங்கள் நண்பர்களுடன் பகிர்ந்து கொள்ளுங்கள்.