15 ஆண்டுகளுக்கு முன் உலகக்கோப்பை பெற்ற நாள் இன்று.. தோனி செய்த சம்பவம்..

இந்திய கிரிக்கெட் வரலாற்றில் மறக்க முடியாத பொன்னெழுத்துக்களால் பொறிக்கப்பட்ட 2011 உலகக்கோப்பை வெற்றி இன்றுடன் 15 ஆண்டுகளை நிறைவு செய்கிறது. 

 

2011ஆம் ஆண்டு ஏப்ரல் 2 அன்று மும்பை வான்கடே மைதானத்தில் நடைபெற்ற இறுதிப் போட்டியில், இலங்கை நிர்ணயித்த 275 ரன்கள் என்ற இலக்கை இந்தியா விரட்டியது. 

 

கௌதம் கம்பீரின் சிறப்பான 97 ரன்கள் அடித்தளம் அமைக்க, கேப்டன் மகேந்திர சிங் தோனி ஆட்டமிழக்காமல் 91 ரன்கள் எடுத்து இந்தியாவை வரலாற்று வெற்றிக்கு அழைத்து சென்றார். குறிப்பாக, அவர் அடித்த அந்த சிக்ஸர் இன்றும் ஒவ்வொரு இந்திய ரசிகனின் நினைவிலும் நீங்கா இடம் பிடித்துள்ளது.

 

யுவராஜ் சிங்கின் ஆல்ரவுண்ட் ஆட்டம் மற்றும் ஒட்டுமொத்த அணியின் கூட்டு முயற்சியால் 28 ஆண்டுகளுக்கு பிறகு இந்தியா உலகக்கோப்பையை வென்றது. "தனது வாழ்வின் பெருமைமிக்க தருணம் இது" என்று சச்சின் டெண்டுல்கர் நெகிழ்ச்சியுடன் குறிப்பிட்டார். 

 

இந்த வெற்றியை கொண்டாட மில்லியன் கணக்கான மக்கள் வீதிகளில் திரண்டு இந்திய வீரர்களுக்கு உற்சாக வரவேற்பு அளித்தனர். 15 ஆண்டுகள் கடந்தாலும், தோனியின் அந்த வெற்றிக்கான சிக்ஸர் இன்றும் கிரிக்கெட் உலகின் ஒரு காவியமாகவே போற்றப்படுகிறது.

 

Edited by Siva

மேலும் படிக்க »

இந்த செய்தியைப் பற்றிய கருத்தை பதிவு செய்யுங்கள். மேலும் இந்த செய்தியை உங்கள் நண்பர்களுடன் பகிர்ந்து கொள்ளுங்கள்.