வெளியீட்டுக்கு முன்பே சாதனை…கான் சிட்டி டிஜிட்டல் உரிமையை கைப்பற்றிய நெட்பிளிக்ஸ்!
அர்ஜூன் தாஸ், அன்னா பென், யோகி பாபு, வடிவுக்கரசி உள்ளிட்ட பலர் நடித்துள்ள கான் சிட்டி திரைப்படம், வெளியீட்டுக்கு முன்பே மிகப்பெரிய எதிர்பார்ப்பை ஏற்படுத்தியுள்ளது.
ஃபேமிலி எண்டர்டெயினராக உருவாகி வரும் கான் சிட்டி ஏற்கனவே வெளியன டைட்டில் டீசர் மூலம் ரசிகர்களின் கவனத்தை ஈர்த்திருந்தது. நகர வாழ்க்கையில் கடனில் சிக்கித் தவிக்கும் ஒரு மிடில் கிளாஸ் குடும்பத்தின் வாழ்க்கையை மையமாகக் கொண்டு நடக்கும் கதை, அவர்களுக்கு கிடைக்கும் ஒரு பணம் அச்சிடும் மிஷினைச் சுற்றி சுவாரஸ்யமாக நகர்கிறது. பட்டன் தட்டினால் கொட்டும் பணம் என்ற வித்தியாசமான கற்பனை, குடும்ப உணர்வுகள், நகைச்சுவை, பரபரப்பு ஆகியவற்றுடன் சேர்ந்து படத்திற்கு னலல் எத்ரிபர்ப்பை ஏற்படுத்தியுள்ளது.
இந்த படத்தில் மஸ்டர், கைதி குட் பேட் அக்லி புகழ் நடிகர் அர்ஜூன் தாஸ் நாயகனாக நடிக்கிறார். நாயகியாக நடிகை அன்னா பென் நடிக்கிறார். இவர்களுடன் யோகி பாபு, வடிவுக்கரசி, உள்ளிட்ட பலர் நடிக்கின்றனர்.
பவர் ஹவுஸ் பிக்சர்ஸ் தயாரிப்பில் உருவாகும் இந்தப் படத்தை அறிமுக இயக்குநர் ஹரிஷ் துரைராஜ் எழுதி இயக்கியுள்ளார். மங்களூர், சென்னை, மும்பை உள்ளிட்ட பல நகரங்களில் படப்பிடிப்பு நடைபெற்றுள்ளது.
தாய் கிழவி, வித் லவ் என வரிசையாக ஹிட் கொடுத்துவரும் இசையமைப்பாளர் ஷான் ரோல்டன் இப்படத்திற்கு இசையமைத்திருப்பது கூடுதல் பலமாக அமைந்துள்ளது.
இந்த நிலையில் தற்போது நெட்பிளிக்ஸ் நிறுவனம் இந்த படத்தின் டிஜிட்டல் உரிமையை கைப்பற்றியிருப்பது திரை வட்டாரத்தில், கான் சிட்டி படத்தின் வணிக மதிப்பையும் ரசிகர் மத்தியிலான எதிர்பார்ப்பையும் பெரும்பளவில் அதிகரித்துள்ளது. குறிப்பாக திரையரங்கு வெளியீட்டுக்கு முன்பே ஓடிடி உரிமை பெரிய அளவில் விற்கப்படுவது, படத்தின் மீதான நம்பிக்கையை அதிகரித்துள்ளது.
மேலும் படிக்க »
இந்த செய்தியைப் பற்றிய கருத்தை பதிவு செய்யுங்கள். மேலும் இந்த செய்தியை உங்கள் நண்பர்களுடன் பகிர்ந்து கொள்ளுங்கள்.
