19 வயதில் 150 கி.மீ வேகம்: ஆஸ்திரேலியாவின் புதிய தாம்சன் உருவாகிறார்!
மேற்கு இந்தியத் தீவுகள் எப்படி ஒரு காலத்தில் ஆண்டி ராபர்ட்ஸ், மைக்கேல் ஹோல்டிங், ஜொயெல் கார்னர், மால்கம் மார்ஷல், கிராஃப்ட், வால்ஷ், ஆம்புரோஸ் என அசத்தல் வேகப்பந்து வீச்சாளர்களை உற்பத்தி செய்ததோ அதே போல் இப்போது ஆஸ்திரேலியா உள்ளது. மேற்கு ஆஸ்திரேலியாவைச் சேர்ந்த யு-19 உலகக் கோப்பைப் புகழ் வலது கை வேகப்பந்து வீச்சாளர் மாலி பியர்ட்மேன் எனும் 19 வயது இளம் வேகப்பந்து வீச்சாளர் தற்போது ஆஸ்திரேலிய அணியில் சேர்க்கப்பட்டுள்ளார்.
19 வயதேயானாலும் இவர் வீசும் வேகம் மணிக்கு 150 கி.மீ வேகத்தை தொடுவதற்கு அருகில் உள்ளது என்று கிரிக்கெட் உலகை அதிசயிக்கச் செய்து வருகிறார். இப்போது இங்கிலாந்துக்கு எதிராக நடைபெற்று வரும் 5 ஒருநாள் போட்டிகள் கொண்ட தொடரில் பியர்ட்மேன் ஆஸ்திரேலிய சீனியர் அணியில் சேர்க்கப்பட்டுள்ளார். பர்பாமன்ஸ் பிரமாதம் என்றால் பார்டர்-கவாஸ்கர் டிராபியில் இவர் அறிமுகமாவதை எதிர்பார்க்கலாம். ஆறு அடி இரண்டு அங்குலம் உயரம் கொண்ட இவர் பெனோனியில் நடைபெற்ற யு-19 உலகக் கோப்பை இறுதியில் இந்திய பேட்டர்களுக்கு கடுமையான சவால்களை அளித்து 3 விக்கெட்டுகளை 15 ரன்களுக்குக் கைப்பற்றி வெற்றிக்கு வித்திட்டதால் ஆட்ட நாயகன் விருதையும் தட்டிச் சென்றார்.
மேலும் படிக்க »
இந்த செய்தியைப் பற்றிய கருத்தை பதிவு செய்யுங்கள். மேலும் இந்த செய்தியை உங்கள் நண்பர்களுடன் பகிர்ந்து கொள்ளுங்கள்.
