“நான் பெண்ணாகப் பிறந்து பெண்ணாகவே வாழ்கிறேன்” - ‘தங்க மங்கை’ இமானே கெலிஃப் @ பாரிஸ்

பாரிஸ்: பாலின சர்ச்சைகளை எல்லாம் பின்னுக்குத் தள்ளிவிட்டு ஒலிம்பிக் குத்துச்சண்டையில் மகளிர் 66 கிலோ எடைப்பிரிவில் தங்கப் பதக்கத்தை வென்றுள்ளார் அல்ஜீரியாவின் இமானே கெலிஃப். 25 வயதே ஆன இமானே வெற்றிக்குப் பிந்தைய ஊடகப் பேட்டியில், “எல்லாப் பெண்களைப் போல நானும் ஒரு பெண். நான் பெண்ணாகப் பிறந்தேன். பெண்ணாகவே வாழ்கிறேன். ஆனால் வெற்றியைப் பொறுக்க முடியாத சிலர் இருக்கிறார்கள். அவர்களால் எனது வெற்றியைப் ஜீரணித்துக் கொள்ள முடியவில்லை. இந்த தங்கப் பதக்கம் தான் எனக்கு எதிராகக் கட்டமைக்கப்பட்ட தீவிர பிரச்சாரங்களுக்கான பதில் ” என தான் பாலின சர்ச்சைகளில் சிக்கியதையும் மீறி பெற்ற வெற்றி குறித்து பெருமிதம் தெரிவித்துள்ளார்.

8 ஆண்டு கால கனவு: மேலும் கெலிஃப் அந்தப் பேட்டியில், இது எனது கனவு. 8 ஆண்டுகளாக இந்தக் கனவு என்னிடமிருந்தது. இப்போது நான் ஒலிம்பிக் சாம்பியன். தங்கப் பதக்கம் வென்றுள்ளேன். நான் மிகவும் மகிழ்ச்சியாக இருக்கிறேன். 8 ஆண்டுகளாக உழைத்தேன். தூக்கமில்லாமல் உழைத்தேன். அந்த கடின உழைப்பால் சேர்வடைந்தேன். இருந்தாலும் உழைப்புக்கு பலன் கிடைத்துள்ளது. இந்த வெற்றிக்கு உறுதுணையாக இருந்த அனைவருக்கும் எனது நன்றிகள். எனது அல்ஜீரிய மக்களுக்கு நன்றி. பாரிஸுக்கு நன்றி.” என்று நெகிழ்ச்சி பொங்க பேசினார்.

மேலும் படிக்க »

இந்த செய்தியைப் பற்றிய கருத்தை பதிவு செய்யுங்கள். மேலும் இந்த செய்தியை உங்கள் நண்பர்களுடன் பகிர்ந்து கொள்ளுங்கள்.