188 ரன்களில் சுருண்டாலும் ‘ஃபைட்’ கொடுக்கும் மே.இ.தீவுகள் - முதல் பந்தில் ஸ்மித்தை சாய்த்த ஷமார் ஜோசப்!

அடிலெய்ட்: ஆஸ்திரேலியாவுக்குப் பயணம் மேற்கொண்டுள்ள மே.இ.தீவுகள் அணி இன்று அடிலெய்டில் முதல் டெஸ்ட் போட்டியில் களம் கண்டது. டாஸ் வென்ற ஆஸ்திரேலிய கேப்டன் பாட் கமின்ஸ் முதலில் மே.இ.தீவுகளை பேட் செய்ய அழைத்தார். மே.இ.தீவுகள் அணி பலவீனமான அணி, மூன்று அனுபவ வீரர்கள்தான் அணியில் உள்ளனர். கேப்டன் பிராத்வெய்ட், கிமார் ரோச், மற்றும் அல்ஜாரி ஜோசப். மற்றவர்கள் புதியவர்கள், இளையவர்கள்.

முதல் நாள் ஆட்டத்தில் மே.இ.தீவுகள் அணி 188 ரன்களுக்குச் சுருண்டது. ஆனால், பந்துவீச்சில் அறிமுக வேகப்பந்து வீச்சாளர் ஷமார் ஜோசப் அசத்திவிட்டார். தன் முதல் பந்திலேயே ஸ்மித் மட்டையின் விளிம்பை பிடித்து விட்டார். பிறகு லபுஷேனையும் பவுன்சர் உத்தியில் டீப் கேட்சுக்கு வீழ்த்த ஆஸ்திரேலியா ஆட்ட முடிவில் 59/2 என்று இருந்தது. கவாஜாவுக்கு ஒரு கேட்சை விக்கெட் கீப்பர் டாசில்வா விட்டார். அதனால் அவர் 30 ரன்களுடனும் கேமரூன் கிரீன் 6 ரன்களுடனும் களத்தில் உள்ளனர். 24 வயது இளம் வீரர் ஷமார் ஜோசப் 2 விக்கெட்டுகளைக் கைப்பற்றினார்.

மேலும் படிக்க »

இந்த செய்தியைப் பற்றிய கருத்தை பதிவு செய்யுங்கள். மேலும் இந்த செய்தியை உங்கள் நண்பர்களுடன் பகிர்ந்து கொள்ளுங்கள்.