ராஜஸ்தானை வீழ்த்தியது ஒடிஸா

அல்டிமேட் கோ கோ விளையாட்டுப் போட்டியின் 20-ஆவது ஆட்டத்தில் ஒடிஸா ஜகா்நட்ஸ் 32-21 என்ற புள்ளிகள் கணக்கில் ராஜஸ்தான் வாரியா்ஸை புதன்கிழமை வென்றது.

இரு அணிகளும் தலா 7 ஆட்டங்களில் விளையாடியிருக்க, புள்ளிகள் பட்டியலில் ஒடிஸா 3 வெற்றிகளுடன் 4-ஆவது இடத்திலும், ராஜஸ்தான் 7 தோல்விகளுடன் 6-ஆவது இடத்திலும் உள்ளன.

இந்த ஆட்டத்தில் ஒடிஸா 14 ஸ்கை டைவ் புள்ளிகள், 8 தொடுதல் புள்ளிகள், 10 பேட்ச் போனஸ் புள்ளிகளை கைப்பற்ற, ராஜஸ்தான் 10 ஸ்கை டைவ் புள்ளிகள், 2 போல் டைவ் புள்ளிகள், 6 தொடுதல் புள்ளிகள், 3 பேட்ச் போனஸ் புள்ளிகள் பெற்றது.

மற்றொரு ஆட்டத்தில் தெலுகு யோதாஸ் 40-22 என்ற கணக்கில் மும்பை கில்லாடிஸை சாய்த்தது. இரு அணிகளும் 7 ஆட்டங்களில் களம் கண்டுள்ள நிலையில், தெலுகு அணிக்கு இது 5-ஆவது வெற்றி; மும்பைக்கு 5-ஆவது தோல்வி. இரு அணிகளும் முறையே 2 மற்றும் 5-ஆம் இடங்களில் உள்ளன.

இந்த ஆட்டத்தில் தெலுகு அணி 8 ஸ்கை டைவ் புள்ளிகள், 8 போல் டைவ் புள்ளிகள், 16 தொடுதல் புள்ளிகள், 8 பேட்ச் போனஸ் புள்ளிகள் பெற, மும்பை 6 ஸ்கை டைவ் புள்ளிகள், 4 போல் டைவ் புள்ளிகள், 8 தொடுதல் புள்ளிகள், 2 பேட்ச் போனஸ் புள்ளிகள், 2 செல்ஃப் அவுட் புள்ளிகள் பெற்றது.

மேலும் படிக்க »

இந்த செய்தியைப் பற்றிய கருத்தை பதிவு செய்யுங்கள். மேலும் இந்த செய்தியை உங்கள் நண்பர்களுடன் பகிர்ந்து கொள்ளுங்கள்.