ஹாவுலிவுட்டுக்கும் நமக்குமான வித்தியாசம் அதுதான்! - ஹாலிவுட்டில் அறிமுகமாகும் வித்யுத் ஜம்வால்

நடிகர் வித்யுத் ஜம்வால், ஸ்ட்ரீட் ஃபைட்டர் திரைப்படம் மூலம் ஹாலிவுட்டில் அறிமுகமாகவுள்ளார். அத்திரைப்படம் இந்த வாரம் வெளியாகவிருக்கிறது.

அந்தப் படம் வெளியாகவிருக்கும் நிலையில், ஹாலிவுட் மற்றும் இந்தியச் சினிமா தயாரிப்புகளுக்கு இடையேயான முக்கிய வேறுபாடுகள் குறித்துப் பேசியிருக்கிறார்.

அவர் பேசுகையில், "ஹாலிவுட்டில் அவர்கள் செலவழிக்கும் பணம் மிக அதிகம் என்றாலும், பணத்தை மட்டுமே வைத்துக்கொண்டு தரமான அல்லது பிரமாண்டமான படைப்புகளை உருவாக்கிவிட முடியாது.

அங்குத் துல்லியமான திட்டமிடல், தொழில்முறை அணுகுமுறை, கட்டுப்பாடு மற்றும் சட்டரீதியான வழிமுறைகள் மிகவும் நேர்த்தியாகப் பின்பற்றப்படுகின்றன.

அதுதான் நம் திரையுலகிற்கும் அவர்களுக்கும் உள்ள மிகப்பெரிய வித்தியாசம். சமீபகாலமாக இந்தியச் சினிமாவில் பெரிய பட்ஜெட்டில் படங்கள் தயாரித்தால் ஹாலிவுட்டிற்கு இணையான தரத்தைக் கொடுத்துவிடலாம் என நினைக்கிறார்கள்.

பணம் மட்டுமே எல்லாமே கிடையாது. இங்கு மக்களின் மனநிலையில் சில மாற்றங்கள் கொண்டுவரப்பட வேண்டும். அதேநேரம், இந்தியச் சினிமாவில் ஆக்ஷன் காட்சிகளின் தரம் இப்போது சர்வதேச அளவிற்கு உயர்ந்திருக்கிறது.

இங்குச் சிறந்த ஆக்ஷன் இயக்குநர்களுடன் பணிபுரியும் வாய்ப்பு கிடைக்கிறது. இந்தியச் சினிமாவில் நாம் 10 நாட்களில் எடுக்கும் காட்சிகளை ஹாலிவுட்டில் 4 மாதங்கள் வரை எடுத்து நேரத்தைச் செலவிடுகிறார்கள்.

அதுமட்டுமின்றி, அங்குச் சட்ட திட்டங்களும் மிகவும் கடுமையானவை. பேப்பரில் இல்லாத எந்தக் காரியத்தையும் நடிகர்கள் செய்ய முடியாது" எனப் பேசியிருக்கிறார்.

மேலும் படிக்க »

இந்த செய்தியைப் பற்றிய கருத்தை பதிவு செய்யுங்கள். மேலும் இந்த செய்தியை உங்கள் நண்பர்களுடன் பகிர்ந்து கொள்ளுங்கள்.