தமிழ் சினிமா உலகில் அதிர்ச்சி: நடிகை அம்பிகா மீது ரூ. 46 கோடி மோசடி புகார் அளித்த சகோதரி ராதா: சினிமா வட்டாரத்தில் பரபரப்பு!

தமிழ் சினிமா உலகில் 1980-களில் கொடிகட்டிப் பறந்த முன்னணி நடிகைகளான அம்பிகா மற்றும் ராதா (Actress Ambika and Radha) சகோதரிகள் இடையே திடீரென பெரும் மோதல் வெடித்துள்ளது. தமிழ் திரையுலகில் பல தசாப்தங்களாக இணைபிரியாத சகோதரிகளாக வலம் வந்த இவர்களுக்கு இடையே எழுந்துள்ள இந்த விவகாரம் கோலிவுட் வட்டாரத்தில் கடும் அதிர்ச்சியை ஏற்படுத்தியுள்ளது.

நடிகை ராதா, தனது சகோதரியும் நடிகையுமான அம்பிகா மற்றும் தனது சகோதரர் மல்லிகார்ஜுன குஞ்சன் நாயர் மீது சென்னை பெருநகர காவல் ஆணையர் அலுவலகத்தில் பரபரப்பான புகார் ஒன்றை அளித்துள்ளார். தன்னிடம் இருந்த கையொப்பமிடப்பட்ட வெற்று காசோலைகளைத் தமக்குத் தெரியாமல் எடுத்து, சுமார் ரூ. 46 கோடி அளவில் மோசடி செய்ய முயற்சித்துள்ளதாக அவர் அக்கு புகாரில் குறிப்பிட்டுள்ளார்.

வளசரவாக்கத்தில் உள்ள தனது வீட்டில் பாதுகாப்பாக வைக்கப்பட்டிருந்த பழைய காசோலைகளை முறைகேடாகப் பயன்படுத்தி இந்தச் செயலில் ஈடுபட்டுள்ளதாக அவர் கண்ணீருடன் தெரிவித்தார். வங்கியில் இருந்து வந்த குறுஞ்செய்தி (SMS Alert) மூலம் இந்த மோசடி முயற்சி தன் கவனத்திற்கு வந்ததாகவும், உடனே தான் அந்தப் பரிவர்த்தனைக்குத் தடை (Stop Payment) விதித்ததாகவும் ராதா குறிப்பிட்டுள்ளார். குடும்ப சொத்து மற்றும் ஸ்டுடியோ தொடர்பான பிரச்சினைகள் பின்னணியில் உள்ளதாகக் கூறப்படும் இப்புகார் குறித்துக் காவல்துறையினர் தீவிர விசாரணை மேற்கொண்டு வருகின்றனர்.

மேலும் படிக்க »

இந்த செய்தியைப் பற்றிய கருத்தை பதிவு செய்யுங்கள். மேலும் இந்த செய்தியை உங்கள் நண்பர்களுடன் பகிர்ந்து கொள்ளுங்கள்.