மதுரை: கல்லூரி மாணவருக்கு அரிவாள் வெட்டு; ரத்தம் சொட்ட சொட்ட கிராமத்தில் தஞ்சம் புகுந்து மாணவர்கள்

மதுரை மாவட்டம் அலங்காநல்லூர் அருகே உள்ள அ. கோவில்பட்டி பகுதியைச் சேர்ந்தவர் சஞ்சய்குமார் (18) இவர் தனது நண்பருடன் மேலூரிலுள்ள தனியார் கல்லூரிக்கு இரு சக்கர வாகனத்தில் சென்று கொண்டிருந்துள்ளார்.

அலங்காநல்லூர் - மேலூர் நான்கு வழிச்சாலை பிரிவில் சென்றபோது அவரை வழிமறித்த அடையாளம் தெரியாத மர்ம நபர்கள் சஞ்சய்குமாரை அரிவாளால் சராமாரியாக வெட்டி விட்டு அங்கிருந்து தப்பியோடியுள்ளனர்.

உயிருக்குப் பயந்த சஞ்சய் குமார் அவரது நண்பருடன் ரத்த வெள்ளத்தில் நடந்து சென்று குமாரம் என்ற ஊரில் பொதுமக்களிடம் காப்பாற்ற கூறி தஞ்சம் அடைந்துள்ளார்.

தகவல் அறிந்த அலங்காநல்லூர் போலீசார் சம்பவ இடத்திற்கு விரைந்து சென்று படுகாயமடைந்த கல்லூரி மாணவர் சஞ்சய்குமாரை மீட்டு 108 ஆம்புலன்ஸ் முலம் மதுரை அரசு ராஜாஜி மருத்துவமனைக்குச் சிகிச்சைக்காக அனுமதித்துள்ளனர்.

சம்பவம் குறித்து அலங்காநல்லூர் போலீசார் வழக்குப் பதிவு செய்து அப்பகுதியிலுள்ள சிசிடிவி காட்சிகளைக் கைப்பற்றி குற்றவாளிகளைத் தீவிரமாகத் தேடி வருகின்றனர்.

ரத்த வெள்ளத்தில் தஞ்சம் அடைந்த கல்லூரி மாணவர் உயிருக்குப் போராடிய காட்சிகள் தற்போது வெளியாகி பரபரப்பை ஏற்படுத்தியுள்ளது.

மேலும் படிக்க »

இந்த செய்தியைப் பற்றிய கருத்தை பதிவு செய்யுங்கள். மேலும் இந்த செய்தியை உங்கள் நண்பர்களுடன் பகிர்ந்து கொள்ளுங்கள்.