LIK: அந்த நேரத்துல என்னை மொக்கை பீஸ்னு சொல்லாமல் சொல்லுவாங்க - விக்னேஷ் சிவன் ஓபன் டாக்

விக்னேஷ் சிவன் இயக்கியிருக்கும் LIK திரைப்படம், பல தாமதங்களுக்குப் பிறகு வருகிற ஏப்ரல் 10-ம் தேதி திரைக்கு வருகிறது.

டிராகன், டியூட் திரைப்படங்களின் வெற்றியைத் தொடர்ந்து பிரதீப் ரங்கநாதனின் அடுத்த ரிலீஸாக மிகுந்த எதிர்பார்ப்பிற்கு மத்தியில் வெளியாகிறது இப்படம்.

அனிருத் இசையமைத்திருக்கும் இப்படத்தில் கீர்த்தி ஷெட்டி, எஸ்.ஜே. சூர்யா, சீமான் ஆகியோர் முக்கியக் கதாபாத்திரங்களில் நடித்திருக்கிறார்கள்.

இப்படத்தின் ப்ரீ ரிலீஸ் ஈவெண்ட் நேற்று பிரமாண்டமான முறையில் சென்னையில் நடைபெற்றது.

அப்போது பேசிய விக்னேஷ் சிவன், "நான் மிகப்பெரிய படமொன்று செய்கிற மாதிரி மிகப்பெரிய வாய்ப்பு ஒண்ணு எனக்கு அமைஞ்சது.

கல்யாணத்துல தாலி கட்டும்போது, மாப்பிள்ளை எழுந்து போயிட்டால், அந்தப் பொண்ணுக்குத் திருமணம் நடக்கிறது எத்தனை கஷ்டமோ அது மாதிரிதான் ஒரு படம் டிராப்ல இருந்து அடுத்த படத்துக்கு டேக் ஆஃப் ஆகுறது கஷ்டம்.

அந்த நேரத்துல சின்னதாக படம் பண்ணுங்க, ஈஸியாகப் பண்ணுங்கங்கிற வார்த்தைதான் நம்ம காதுல விழும்.

அந்த நேரத்துல என்னை ஒரு மொக்கை பீஸாகப் பார்க்கிறாங்க என்பதை சொல்லாமல் சொல்லிக்கிட்டே இருப்பாங்க. அதை ஒரு முறை அனுபவித்தால் அது வேற. இதுபோல, நான் பல முறை அனுபவித்திருக்கேன்.

நானும் ரௌடி தான் திரைப்படம் சென்சார் ஆனதுக்குப் பிறகும் யாரும் நல்லாயிருக்குனு சொல்லல. எனக்கும், தியேட்டருக்குள்ள வர்ற ஆடியன்ஸோட கனெக்‌ஷனை நம்பி வாழ்கிறவன்தான் நான்.

அந்த நாள் ஏப்ரல் 10. அதுக்காக காத்திட்டிருக்கேன். என்னுடைய கதை மீது இருந்த நம்பிக்கை சிறக்கும்னு நம்புறேன்" என்றார்.

மேலும் படிக்க »

இந்த செய்தியைப் பற்றிய கருத்தை பதிவு செய்யுங்கள். மேலும் இந்த செய்தியை உங்கள் நண்பர்களுடன் பகிர்ந்து கொள்ளுங்கள்.