Youth Producer Mega Gift : லாபத்தில் பங்கு – கென்னுக்கு தயாரிப்பாளர் கொடுத்த தரமான சம்பவம்!

தமிழ் சினிமாவில் சமீபத்தில் ரிலீஸாகி செம ஹிட் அடித்துள்ள படம் ‘யூத்’. கென் கருணாஸ் இயக்கி நடித்துள்ள இந்த படம் ஸ்கூல் லைஃப் மற்றும் எமோஷனல் கதையை மையமாக வைத்து 50 கோடிக்கும் மேல் வசூல் செய்து பாக்ஸ் ஆபீஸில் மாஸ் காட்டி வருகிறது. படத்தின் வெற்றியைத் தொடர்ந்து நடந்த சக்சஸ் மீட்டில் தயாரிப்பாளர் கருப்பையா சி. ராம் செய்த ஒரு விஷயம் தான் இப்போது கோலிவுட்டின் ஹாட் டாபிக்.

பொதுவாக ஒரு படம் ஹிட்டானால் தயாரிப்பாளர் இயக்குனருக்கு கார் அல்லது வாட்ச் பரிசாக கொடுப்பது தான் வழக்கம். ஆனால், இந்த ‘யூத்’ தயாரிப்பாளர் கொஞ்சம் வித்தியாசமாக யோசித்து கென் கருணாஸை பார்ட்னராகவே மாற்றிவிட்டார். படம் ஆரம்பிக்கும் போதே கென்னுக்கு ஒரு குறிப்பிட்ட சதவீத பங்கை கொடுத்து, அவரை தயாரிப்பாளராகவும் மாற்றியுள்ளார்.

இயக்குனர்கள் தான் ஒரு படத்தின் முதுகெலும்பு என்றும், அவர்களுக்கு படத்தின் மீது ஒரு உரிமை இருக்க வேண்டும் என்பதற்காகவும் இந்த முடிவை எடுத்ததாக தயாரிப்பாளர் தெரிவித்துள்ளார். இது வெறும் ஆரம்பம் தான் என்றும், இனி தனது தயாரிப்பில் உருவாகும் அனைத்து படங்களிலும் அந்தந்த இயக்குனர்களுக்கு லாபத்தில் பங்கு வழங்கப்படும் என்றும் அவர் ஓப்பனாக பேசியுள்ளார்.

இதற்கு முக்கிய காரணம் என்னவென்றால்… இயக்குனர்கள் வெறும் சம்பளத்திற்காக மட்டும் வேலை செய்யாமல், படத்தின் வெற்றிக்கு அவர்களும் ஒரு அங்கமாக இருக்க வேண்டும் என்பதே தயாரிப்பாளரின் நோக்கம். 27 வயதே ஆன இளம் தயாரிப்பாளர் கருப்பையாவின் இந்த பெருந்தன்மையான செயல் மற்ற தயாரிப்பாளர்களையும் வியக்க வைத்துள்ளது. கென் கருணாஸின் உழைப்பிற்கு கிடைத்த இந்த அங்கீகாரம் இப்போது சோஷியல் மீடியாவில் செம வைரலாகி வருகிறது.

மேலும் படிக்க »

இந்த செய்தியைப் பற்றிய கருத்தை பதிவு செய்யுங்கள். மேலும் இந்த செய்தியை உங்கள் நண்பர்களுடன் பகிர்ந்து கொள்ளுங்கள்.