தங்கம் விலை வரலாறு காணாத உச்சம்.. வெள்ளி விலையும் உயர்வு..!

சென்னையில் இன்றைய நிலவரப்படி,  ஆபரணத் தங்கம் விலை வரலாறு காணாத உச்சத்தை தொட்டுள்ளது. ஒரு பவுன் தங்கம் ₹480 உயர்ந்து, ₹73,360-க்கு விற்பனையாகிறது. இதனால், ஒரு கிராம் தங்கம் ₹60 அதிகரித்து, ₹9,170-ஐ எட்டியுள்ளது.

 

கடந்த வியாழன் மற்றும் வெள்ளிக்கிழமைகளில் தலா ₹40 உயர்வை கண்டிருந்த தங்கம், தற்போது மூன்றாவது நாளாக அதிரடியான ஏற்றத்தை சந்தித்துள்ளது. இது வாடிக்கையாளர்களிடையே பெரும் அதிர்ச்சியையும், கலக்கத்தையும் ஏற்படுத்தியுள்ளது.

 

தங்கத்தைப் போலவே வெள்ளியின் விலையும் ஏறியுள்ளது. ஒரு கிராம் வெள்ளி ₹1 உயர்ந்து ₹126-க்கு விற்பனையாகிறது. மேலும், ஒரு கிலோ கட்டி வெள்ளி ₹1,000 உயர்ந்து ₹1,26,000-க்கு விற்கப்படுகிறது.

 

பண்டிகை காலம் நெருங்கும் நிலையில், தங்கம் மற்றும் வெள்ளி வாங்க திட்டமிட்டவர்களுக்கு இந்த விலை உயர்வு பெரும் சுமையாக மாறியுள்ளது. நகை சந்தையின் எதிர்கால போக்கு குறித்து அனைவரும் உன்னிப்பாக கவனித்து வருகின்றனர்.

 

Edited by Mahendran

 

மேலும் படிக்க »

இந்த செய்தியைப் பற்றிய கருத்தை பதிவு செய்யுங்கள். மேலும் இந்த செய்தியை உங்கள் நண்பர்களுடன் பகிர்ந்து கொள்ளுங்கள்.