தைராய்டு பிரச்சனை உள்ளவர்கள் என்ன சாப்பிடலாம்? என்ன சாப்பிடக்கூடாது?

உடலின் வளர்சிதை மாற்றத்துக்கு உதவும் தைராய்டு ஹார்மோன் குறைவாக சுரப்பதே ஹைப்போ தைராய்டிசம் எனப்படும். கழுத்தில் உள்ள பட்டாம்பூச்சி வடிவ தைராய்டு சுரப்பியில் உருவாகும் இந்த ஹார்மோன் குறைபாடு, இந்தியாவில் பத்து பேரில் ஒருவருக்கு உள்ளது. இது பெண்களிடையே அதிகம் காணப்படுகிறது.

 

தைராய்டு குறைபாடு உள்ளவர்கள் முட்டைக்கோஸ், காலிஃபிளவர் போன்ற காய்கறிகள், சோயா பொருட்கள், பதப்படுத்தப்பட்ட இறைச்சிகள், எண்ணெயில் பொரித்த உணவுகள், துரித உணவுகள், குளிர்பானங்கள், காபி, மதுபானங்கள் மற்றும் செயற்கை இனிப்பூட்டிகளை தவிர்க்க வேண்டும். இவற்றில் உள்ள சில கூறுகள் தைராய்டு ஹார்மோன் உற்பத்தியைப் பாதிக்கலாம்.

 

அயோடின் கலந்த உப்பு, மீன், இறால் போன்ற கடல் உணவுகள் (ஒமேகா-3 சத்து), செலினியம் நிறைந்த கோழி, காளான், பூண்டு, பால் பொருட்கள், முட்டை, முழு தானியங்கள் (பழுப்பு அரிசி, ஓட்ஸ்), மெலிந்த புரதங்கள், காய்கறிகள், பெக்டின் நிறைந்த பெர்ரி, ஆப்பிள், ஆரஞ்சு போன்ற பழங்கள் ஆகியவற்றை உணவில் சேர்த்துக் கொள்வது தைராய்டு செயல்பாட்டை மேம்படுத்த உதவும்.

 

 

Edited by Mahendran

மேலும் படிக்க »

இந்த செய்தியைப் பற்றிய கருத்தை பதிவு செய்யுங்கள். மேலும் இந்த செய்தியை உங்கள் நண்பர்களுடன் பகிர்ந்து கொள்ளுங்கள்.