சுவிஸ் வங்கிகளில் இந்தியர்களின் வைப்புத் தொகை 10 ஆண்டுகளில் 18% குறைந்தது!

புதுடெல்லி: சுவிஸ் தேசிய வங்கி (SNB) வெளியிட்டுள்ள சமீபத்திய புள்ளிவிவரங்களின்படி, கடந்த 10 ஆண்டுகளில் சுவிஸ் வங்கிகளில் இந்திய வாடிக்கையாளர்களின் வைப்புத் தொகை சுமார் 18 சதவீதம் குறைந்துள்ளது. 2015-ஆம் ஆண்டில் தோராயமாக 425 மில்லியன் சுவிஸ் பிராங்குகள் இந்தியர்களின் வைப்புத் தொகையாக இருந்தது. 2024-இல் இது 346 மில்லியன் சுவிஸ் பிராங்குகளாகக் குறைந்துள்ளது.

கோவிட் காலகட்டத்தில் இந்திய வைப்புத் தொகை சுமார் 602 மில்லியன் சுவிஸ் பிராங்குகள் என கடுமையாக உயர்ந்தது. என்றபோதிலும், கரோனா தொற்றுநோய் உச்சத்துக்குப் பிறகு வைப்புத் தொகை குறையத் தொடங்கியது. 2023-ஆம் ஆண்டில், வைப்புத் தொகை 309 மில்லியன் சுவிஸ் பிராங்குகளாக இருந்தது. 2024-ஆம் ஆண்டில், இது 37 மில்லியன் சுவிஸ் பிராங்குகள் அதிகரித்து 346 மில்லியன் சுவிஸ் பிராங்குகளை எட்டியது. இந்த வருடாந்திர உயர்வு இருந்தபோதிலும், கடந்த 10 ஆண்டுகளில் ஒட்டுமொத்தமாக குறைந்தே உள்ளது.

மேலும் படிக்க »

இந்த செய்தியைப் பற்றிய கருத்தை பதிவு செய்யுங்கள். மேலும் இந்த செய்தியை உங்கள் நண்பர்களுடன் பகிர்ந்து கொள்ளுங்கள்.