Voynich: உலகின் மிக மர்மமான புத்தகம் வொய்னிச் பற்றி தெரியுமா? இப்போது எங்கு இருக்கிறது?

உலகின் மிக மர்மமான புத்தகம் என்று அறியப்படும், வொய்னிச் கையெழுத்துப் பிரதி பல நூற்றாண்டுகளாக அறிஞர்கள், வல்லுநர்கள் மற்றும் ஆர்வலர்களைக் குழப்பத்தில் ஆழ்த்தி வருகிறது. யாராலும் இந்த வொய்னிச் கையெழுத்துப் பிரதியைப் புரிந்துகொள்ள முடியவில்லை. இன்றும் மர்மமாகவே உள்ளது.

வொய்னிச் கையெழுத்துப் பிரதி என்பது..

வொய்னிச் கையெழுத்துப் பிரதி என்பது கையால் எழுதப்பட்ட கோடெக்ஸ் (ஒரு கையெழுத்துப் புத்தகம்). இது 15 ஆம் நூற்றாண்டின் முற்பகுதியில் உருவாக்கப்பட்டதாக நம்பப்படுகிறது. அதன் துல்லியமான தோற்றம் சரியாக அறியப்படாமலேயே உள்ளது.

இந்த கையெழுத்துப் பிரதியானது தாவரங்கள், வானியல் வரைபடங்கள் மற்றும் புதிரான மனித உருவங்களின் விளக்கப்படங்களால் அலங்கரிக்கப்பட்டு, 240 பக்கங்களைக் கொண்டுள்ளது.

Voynich கையெழுத்துப் பிரதியை வேறுபடுத்துவது சிக்கலான ஒன்றாக இருந்து வருகிறது. இது 25 முதல் 30 வித்தியாசமான எழுத்துக்களைக் கொண்ட ஒரு தனித்துவமான எழுத்து முறையாக இருக்கிறது.

பல ஆண்டுகளாக ஏராளமான அறிஞர்கள், மொழியியலாளர்கள் இந்த வொய்னிச் கையெழுத்துப் பிரதியைப் புரிந்துகொள்ள முயன்றுள்ளனர். அதன் ரகசிய செய்தியை அவிழ்த்து அதில் மறைக்கப்பட்ட தகவலைப் புரிந்துகொள்ள முயன்றனர்.

பல தசாப்தங்களாகத் தீவிர ஆய்வு மற்றும் பகுப்பாய்வு செய்தபோதிலும் கையெழுத்து புரிந்துகொள்ளப்படாமலே இருந்து வருகிறது.

வொய்னிச் கையெழுத்துப் பிரதி உண்மையில் என்னவாக இருக்கும் என்பதில் பல கோட்பாடுகள் உள்ளன. புத்தகத்தின் உள்ளடக்கங்கள் ரசவாத (இயற்கை தத்துவம்) ஆய்வுக் கட்டுரைகள், மூலிகை வைத்தியங்கள் அல்லது வேற்று கிரகம் தொடர்பான தகவல்கள் இருக்கலாம் என்று சிலர் நம்புகின்றனர், ஆனால் எதுவும் திட்டவட்டமாக நிரூபிக்கப்படவில்லை.

எங்கே வைக்கப்பட்டுள்ளது?

தற்போது வொய்னிச் கையெழுத்துப் பிரதியானது, ஐக்கிய அமெரிக்காவின் யேல் பல்கலைக்கழகத்தில் உள்ள பெனிக்கே அரிய புத்தகம் மற்றும் கையெழுத்துப் பிரதி நூலகத்தில் வைக்கப்பட்டுள்ளது. இது பார்வையாளர்களையும் ஆராய்ச்சியாளர்களையும் அதன் மர்மத்தால் தொடர்ந்து கவர்ந்திழுக்கிறது.

பல நூற்றாண்டுகள் ஆய்வு மற்றும் அனுமானங்கள் இருந்தபோதிலும், வொய்னிச் கையெழுத்துப் பிரதி இன்றும் ஒரு புதிராகவே உள்ளது.

வொய்னிச் கையெழுத்துப் பிரதி, அதன் ரகசிய உலகில் தொடர்ந்து பயணிக்கிறது. இது அடுத்த தலைமுறைகளுக்கும் ஆச்சரியத்தை நிச்சயம் அளிக்கும்.

வணக்கம் வாசகர்களே விகடனின் லேட்டஸ்ட் செய்தி அப்டேட்கள், எக்ஸ்க்ளூசிவ் வீடியோக்கள், சுட சுட சுவாரஸ்யமான கட்டுரைகள் என உங்களை எப்போதும் ட்ரெண்டியாக வைத்திருக்க விகடன் வாட்ஸ்அப் சேனலில் இணைந்திருங்கள்.

Click here:  https://bit.ly/VikatanWAChannel

மேலும் படிக்க »

இந்த செய்தியைப் பற்றிய கருத்தை பதிவு செய்யுங்கள். மேலும் இந்த செய்தியை உங்கள் நண்பர்களுடன் பகிர்ந்து கொள்ளுங்கள்.