Paris Olympics Live Updates : நூலிழையில் பதக்கத்தை தவறவிட்ட மனு பாக்கர்! - நான்காம் இடம்பிடித்து சோகம்! - Day 8 Updates

Published: 2024-08-03 09:18:35 | Added: 2024-08-03 10:00:09 | 29 views

வில்வத்தையில் ஏமாற்றம்!

வில்வித்தையின் தனிநபர் பிரிவின் ரவுண்ட் ஆப் 16 சுற்றில் இந்திய வீராங்கனை பஜன் கவுர் சூட் அவுட்டில் இந்தோனேஷிய வீராங்கனையிடம் வீழ்ந்து வெளியேறினார்.

வில்வித்தையில் காலிறுதிக்கு முன்னேற்றம்!

வில்வித்தையின் பெண்கள் தனிநபர் பிரிவின் ரவுண்ட் ஆப் 16 சுற்றில் இந்திய வீராங்கனை தீபிகா குமாரி ஜெர்மனி வீராங்கனையை 6-4 என்ற செட் புள்ளிகளில் வீழ்த்தி காலிறுதிப்போட்டிக்கு முன்னேறினார்.

மனு பாக்கர் கண்ணீர்!

இறுதிப்போட்டியில் ரொம்பவே பதற்றமாக இருந்தேன். ஒவ்வொரு ஷாட்டாகத்தான் அணுகினேன். ஆனாலும் களம் எனக்கு சாதகமாக அமையவில்லை. என்னுடைய சிறப்பான செயல்பாட்டை கொடுக்கவே முயன்றேன். இரண்டு பதக்கங்களை வென்றதில் மகிழ்ச்சி. ஆனால், இந்த நான்காவது இடத்தை ஏற்றுக்கொள்ள முடியவில்லை.

இன்றைக்குதான் மதிய உணவை அருந்தப் போகிறேன். இங்கே இத்தனை நாட்களாக காலை உணவை அருந்திவிட்டு பயிற்சிக்கு வந்துவிடுவேன். மாலைதான் திரும்புவேன். அதனால் இன்றைக்குதான் போட்டிகளெல்லாம் முடிந்துவிட்டதால் மதிய உணவை எடுத்துக்கொள்ளப் போகிறேன்.

- மனு பாக்கர்.