Gold: தங்கம் விலை மூன்று மாதங்களுக்கு பிறகு மீண்டும் ரூ.55,000-த்தை தாண்டியது!

கிட்டதட்ட மூன்று மாதங்களுக்கு பிறகு, ஒரு பவுன் தங்கம் விலை மீண்டும் ரூ.55,000-த்தை தாண்டியுள்ளது.

உலக நாடுகளின் பொருளாதார நிலை, சர்வதேச அளவிலான போர்கள், அமெரிக்காவின் பணவீக்கம், உலக நாடுகளில் நடந்த தேர்தல்கள் போன்ற பல்வேறு காரணங்களால் கடந்த மார்ச் மாதம் தொடங்கி மே மாதம் வரை தங்கம் விலை தாறுமாறாக இருந்தது.

கடந்த ஏப்ரல் மாதம் 19-ம் தேதி முதன்முதலாக ஒரு பவுன் தங்கம் விலை ரூ.55,000-த்தை தாண்டியது. மே மாதம் முடிந்து ஜூன் மாதம் தொடங்கியது முதல் தங்கம் விலை சற்று குறையத் தொடங்கியது. ஆனால் ஜூலை மாதம் தொடங்கியதும் மீண்டும் தங்கம் விலை ஏறுமுகம் கண்டது.

அதன்படி நேற்று ஒரு கிராம் தங்கம் ரூ.6,830-க்கும், ஒரு பவுன் தங்கம் ரூ.55,360-க்கும் விற்பனை ஆனது. இன்று ஒரு கிராம் தங்கம் ரூ.90 உயர்ந்து ரூ.6,920-க்கும், ஒரு பவுன் தங்கம் ரூ.720 உயர்ந்து ரூ.55,360-க்கும் விற்பனை ஆகி வருகிறது.

நேற்று ஒரு கிராம் வெள்ளி ரூ.99.50-க்கு விற்பனையான நிலையில், இன்று ரூ.100.50-க்கு விற்பனையாகி வருகிறது.

மேலும் படிக்க »

இந்த செய்தியைப் பற்றிய கருத்தை பதிவு செய்யுங்கள். மேலும் இந்த செய்தியை உங்கள் நண்பர்களுடன் பகிர்ந்து கொள்ளுங்கள்.