US Mid Term Election: ட்ரம்ப் கட்சி படுதோல்வி; இந்தியப் பங்குச்சந்தையில் முதலீட்டாளர்களுக்குப் பணமழை

அமெரிக்காவில் நடந்த இடைத்தேர்தலில் அதிபர் டொனால்டு ட்ரம்ப் கட்சி படுதோல்வியைச் சந்தித்தது. இது இந்தியப் பங்குச்சந்தையில் மிகப்பெரிய தாக்கத்தை ஏற்படுத்தியது. நேற்று காலை ஆரம்ப பங்குச்சந்தை வர்த்தகத்தில் சென்செக்ஸ் 1,300 புள்ளிகளுக்கு மேல் உயர்ந்து 78,630 ஆகவும், நிஃப்டி 50 அதிகபட்சமாக 24,350 புள்ளியைக் கடந்தன.

பங்குச்சந்தையின் வளர்ச்சி தொடர்ச்சியாக ஆறு நாட்களாக நீடிக்கிறது. இன்று மதியம் 1:45 மணியளவில், சென்செக்ஸ் 2,000 புள்ளிகளுக்கு மேல் உயர்ந்து 79,330 ஆக இருந்தது. நிஃப்டி 50 அதிகபட்சமாக 581 புள்ளிகள் உயர்ந்து 24,548.55 ஆக இருந்தது.

மிக முக்கியமாக, செப்டம்பர் 4ம் தேதிக்குப் பிறகு முதல் முறையாக Nifty50 அதிகபட்சமாக 24,000ஐ கடந்துள்ளது. நேற்று காலை பங்குச்சந்தை திறக்கப்பட்டபோது அனைத்து பிஎஸ்இ சென்செக்ஸ் நிறுவனங்களின் மொத்த சந்தை மதிப்பு ரூ.4,93,44,359 கோடியாக இருந்தது.

பிற்பகல் 1:45 மணியளவில், மொத்த சந்தை மதிப்பு ரூ. 5,02,36,269 கோடியாக உயர்ந்தது. அதாவது ரூ.7 லட்சம் கோடிக்கு மேல் உயர்ந்து காணப்பட்டது. அமெரிக்க காங்கிரஸின் இரு சபைகளையும் ஜனநாயகக் கட்சியினர் வெற்றி பெற்ற பிறகு S&P 500 மூன்று மாதத்தில் இல்லாத அளவுக்கு உயர்ந்து காணப்பட்டது.

பங்குச்சந்தை மட்டுமல்லாது கச்சா எண்ணெய் விலையும் கடுமையாக வீழ்ச்சி அடைந்தது. முந்தைய நாளை விட கச்சா எண்ணெய் 8.7% சரிந்து, ஒரு பீப்பாய்க்கு $94 டாலருக்கு விற்றது. இந்தியாவைப் பொறுத்தவரை, மலிவான எண்ணெய் மிகவும் முக்கியமானது. இந்தியா தனது கச்சா எண்ணெய் தேவையில் பெரும் பகுதியை இறக்குமதி செய்கிறது.

அதிக எண்ணெய் விலை இந்தியாவின் இறக்குமதி கட்டணத்தை அதிகரிக்கும். அதோடு கச்சா எண்ணெய் விலை அதிகரிப்பு ரூபாயின் மீது அழுத்தம் மற்றும் பணவீக்க அபாயங்களை அதிகரிக்கும்.

கச்சா எண்ணெய் விலையில் ஒரு தொடர்ச்சியான சரிவு இந்த அழுத்தங்களைக் குறைக்க உதவும். வெளிநாட்டு முதலீட்டாளர்கள் புதன்கிழமை ரூ. 7,284 கோடி மதிப்புள்ள இந்தியப் பங்குகளை வாங்கியுள்ளனர், இது கடந்த ஆண்டு அக்டோபருக்குப் பிறகு அவர்களின் அதிகபட்ச ஒற்றை நாள் கொள்முதல் ஆகும்.

இது அவர்களின் நிகர வாங்குதலின் நான்காவது தொடர்ச்சியான அமர்வாகும். செப்டம்பர் மற்றும் அக்டோபர் மாதங்களில் கிட்டத்தட்ட 90,000 கோடி ரூபாய்க்கு விற்ற பிறகு, நவம்பரில் இதுவரை 17,000 கோடி ரூபாய்க்கும் அதிகமான இந்தியப் பங்குகளை வெளிநாட்டு முதலீட்டாளர்கள் வாங்கியுள்ளனர்.

மேலும் படிக்க »

இந்த செய்தியைப் பற்றிய கருத்தை பதிவு செய்யுங்கள். மேலும் இந்த செய்தியை உங்கள் நண்பர்களுடன் பகிர்ந்து கொள்ளுங்கள்.