நெஞ்சை அள்ளும் மழலை குரல்: ‘விஸ்வநாத் & சன்ஸ்’ திரைப்படத்தின் ‘நேனோ பட்டர்பிளை’ பாடலைப் பாடி அசத்திய சிறுமி – ஜி.வி. பிரகாஷ் நெகிழ்ச்சி!

தமிழ் மற்றும் தெலுங்குத் திரையுலகில் முன்னணி இசையமைப்பாளராக வலம் வரும் ஜி.வி. பிரகாஷ் குமார் (G.V. Prakash Kumar) இசையமைப்பில் வெளியான ‘விஸ்வநாத் & சன்ஸ்’ (Vishwanath & Sons) திரைப்படத்தின் ‘நேனோ பட்டர்பிளை’ (Neno Butterfly) பாடல் மிகப்பெரிய அளவில் ஹிட்டடித்து ரசிகர்களின் பிளேலிஸ்ட்டில் இடம் பிடித்துள்ளது.

இந்நிலையில், இப்பாடலை சிறிய பெண் குழந்தை ஒன்று தனது சுட்டித் தனமான மழலைக் குரலில் மிக அழகாகப் பாடும் வீடியோ ஒன்று சமூக வலைதளங்களில் வெளியாகிப் பலரையும் கவர்ந்தது. இப்பாடலின் துள்ளலான இசையையும் சுவையான வரிகளையும் அச்சிறுமி ரசித்துப்பாடும் அழகைக் கண்ட இசையமைப்பாளர் ஜி.வி. பிரகாஷ் குமார், அவ்வீடியோவை உடனடியாகத் தனது அதிகாரப்பூர்வ சமூக வலைதளப் பக்கத்தில் பகிர்ந்து தனது நெகிழ்ச்சியான பாராட்டுக்களைத் தெரிவித்துள்ளார்.

Cute #nenobutterfly reach #vishwanathandsons https://t.co/0ewzzNlZVX

— G.V.Prakash Kumar (@gvprakash) November 2, 2026

ஜி.வி. பிரகாஷ் இந்த வீடியோவை reshare செய்ததைத் தொடர்ந்து, இணையவாசிகளும் திரையுலகினரும் அச்சிறுமியின் திறமையையும் அவரது இனிமையான குரலையும் பாராட்டி கருத்துக்களைப் பதிவிட்டு வருகின்றனர். ‘நேனோ பட்டர்பிளை’ பாடல் தற்போதைய இளைஞர்கள் மத்தியில் மட்டுமின்றி மழலைகளின் மனதையும் வென்றுள்ளது என்பதற்கு இந்த வைரல் வீடியோவே சான்றாக அமைந்துள்ளது.

மேலும் படிக்க »

இந்த செய்தியைப் பற்றிய கருத்தை பதிவு செய்யுங்கள். மேலும் இந்த செய்தியை உங்கள் நண்பர்களுடன் பகிர்ந்து கொள்ளுங்கள்.