Rain Alert: குறைந்த காற்றழுத்தத் தாழ்வுப் பகுதி நிலவுகிறது தமிழ்நாட்டில் 27-ம் தேதி வரை கனமழை!

தமிழ்நாட்டில் வடகிழக்குப் பருவமழை பெய்து வருகிறது.

தற்போது இந்திய வானிலை மையம் அறிக்கை ஒன்றை வெளியிட்டுள்ளது.

அதில் தமிழ்நாடு குறித்த வானிலை அப்டேட்...

தென்கிழக்கு அரபிக்கடல் மற்றும் அதனை ஒட்டிய லட்சத்தீவுப் பகுதிகளில் நிலவும் குறைந்த காற்றழுத்தத் தாழ்வுப் பகுதியின் காரணமாக,

தமிழ்நாடு, புதுச்சேரி மற்றும் காரைக்கால் பகுதிகளில் அக்டோபர் 27-ம் தேதி வரையில் ஓரிரு இடங்களில் கனமழை முதல் மிகக் கனமழை பெய்யக்கூடும்.

மேலும், இன்று (அக்டோபர் 23, 2026) தென் தமிழ்நாட்டில் ஓரிரு இடங்களில் அதிகனமழை பெய்ய வாய்ப்புள்ளது.

குறைந்த காற்றழுத்தத் தாழ்வுப் பகுதி நிலவுகிறது!

நேற்று (அக்டோபர் 22, 2026) குமரிக்கடல் மற்றும் தெற்குத் தமிழ்நாடு-கேரளா பகுதிகளின் மேல் நிலவிய குறைந்த காற்றழுத்தத் தாழ்வுப் பகுதி, இன்று காலை 8:30 மணி அளவில் தென்கிழக்கு அரபிக்கடல் மற்றும் அதனை ஒட்டிய லட்சத்தீவுப் பகுதிகளின் மேல் நிலவுகிறது.

தென்கிழக்கு அரபிக்கடல் முதல் வடக்குக் கடலோரத் தமிழ்நாடு வரை கீழடுக்கு வளிமண்டலத்தில் ஒரு காற்றழுத்தத் தாழ்வுப் பாதை நிலவுகிறது.

வடகிழக்கு வங்கதேசம் மற்றும் அதனை ஒட்டிய பகுதிகளின் மேல் கீழடுக்கு வளிமண்டல சுழற்சியும் நிலவுகிறது.

அக்டோபர் 24-ம் தேதி முதல் வடமேற்கு இந்தியப் பகுதிகளை ஒரு புதிய மேற்கத்திய இடையூறு (Western Disturbance) பாதிக்க வாய்ப்புள்ளது.

இதனால்,

அக்டோபர் 23-25: தமிழ்நாடு, புதுச்சேரி மற்றும் காரைக்கால் பகுதிகளில் பரவலாக மழை பெய்யக்கூடும்.

அக்டோபர் 26-29: தமிழ்நாடு, புதுச்சேரி மற்றும் காரைக்காலில் ஓரிரு இடங்களில் மழை பெய்யக்கூடும்.

காற்றின் வேகம்

தமிழ்நாடு, புதுச்சேரி மற்றும் காரைக்கால் பகுதிகளில் அக்டோபர் 23 முதல் 26-ம் தேதி வரை மணிக்கு 40 முதல் 50 கி.மீ. வேகத்திலும் (இடையிடையே 60 கி.மீ. வேகம் வரை), கடலோர ஆந்திரா, யானம் மற்றும் இராயலசீமா பகுதிகளில் அக்டோபர் 26 மற்றும் 27 ஆகிய தேதிகளில் தரைக்காற்று பலமாக வீசக்கூடும்.

மேலும் படிக்க »

இந்த செய்தியைப் பற்றிய கருத்தை பதிவு செய்யுங்கள். மேலும் இந்த செய்தியை உங்கள் நண்பர்களுடன் பகிர்ந்து கொள்ளுங்கள்.