Anirudh: ஆஹா கல்யாணம்... - அனிருத் - காவ்யா மாறன் திருமணம்; எங்கே? எப்போது? வெளியான தகவல்
இசையமைப்பாளர் அனிருத்துக்கும், சன் குழுமத்தின் தலைவர் கலாநிதி மாறனின் மகள் காவ்யா மாறனுக்கும் திருமணம் நடைபெறவிருப்பதாகக் கடந்த சில மாதங்களாகவே பேசப்பட்டு வந்தது. தற்போது அத்தகவல் உறுதியாகி இருக்கிறது.
இவர்களின் திருமண வரவேற்பு நிகழ்வு வருகிற நவம்பர் 21-ம் தேதி சென்னையில் நடைபெறவிருக்கிறது. திருமண தேதி குறித்தான உறுதியான விவரங்களை இன்னும் தெரியப்படுத்தவில்லை.
திருமண வரவேற்பு நடக்கவிருப்பது குறித்த தகவலை தெலங்கானாவின் முதல்வர் அலுவலகம் பகிர்ந்திருக்கிறது.
கலாநிதி மாறனும், அவருடைய மனைவி காவேரி மாறனும் நேற்றைய தினம் தெலங்கானா முதல்வர் ரேவந்த் ரெட்டியை அவருடைய இல்லத்தில் சந்தித்து இந்த நிகழ்வுக்கு அழைத்திருக்கிறார்கள்.
அதனுடைய புகைப்படங்களைத் தெலங்கானா முதல்வர் அலுவலகம் சமூக வலைத்தளப் பக்கத்தில் பகிர்ந்திருக்கிறது. இந்தச் சந்திப்பு குறித்து தெலங்கானா முதல்வர் அலுவலகம், "சன் குழுமத் தலைவர் கலாநிதி மாறன் - காவேரி மாறன் தம்பதியினர் தெலங்கானா முதலமைச்சருக்கு நேரில் அழைப்பு.
Sun Group Chairman Shri Kalanithi Maran and his wife, Smt. Kavery Maran, met Hon’ble Chief Minister Shri A. Revanth Reddy at his residence in Jubilee Hills and invited him to the wedding reception of their daughter, Kavya Maran. The wedding reception of Kavya Maran and Anirudh Ravichander is scheduled to be held in Chennai on November 21. #KalanithiMaran #KavyaMaran
— Telangana CMO (@TelanganaCMO) October 16, 2026
சன் குழுமத் தலைவர் கலாநிதி மாறன் மற்றும் அவரது மனைவி காவேரி மாறன் ஆகியோர், ஹைதராபாத் ஜூப்ளி ஹில்ஸில் உள்ள தெலங்கானா மாநில முதலமைச்சர் ஏ. ரேவந்த் ரெட்டியின் இல்லத்தில் அவரை நேரில் சந்தித்தனர்.
அப்போது, தங்களது மகள் காவ்யா மாறனின் திருமண வரவேற்பு நிகழ்ச்சியில் பங்கேற்குமாறு அவருக்கு அழைப்பிதழ் வழங்கினர்" எனக் குறிப்பிட்டுப் பதிவிட்டிருக்கிறார்கள்.
மேலும் படிக்க »
இந்த செய்தியைப் பற்றிய கருத்தை பதிவு செய்யுங்கள். மேலும் இந்த செய்தியை உங்கள் நண்பர்களுடன் பகிர்ந்து கொள்ளுங்கள்.
