அரசியலை அதிரவைக்கும் ‘கராத்தே பாபு’: சென்சார் போர்டு கெடுபிடியால் 2027-க்கு தள்ளிப்போகும் ரிலீஸ்?

கோலிவுட்டில் தற்போது எதைப்பற்றிப் பேசினாலும் அரசியல் கலந்த சினிமாக்களுக்கே மவுசு அதிகமாகி வருகிறது. அந்த வகையில், விமர்சன ரீதியாகப் பெரும் வரவேற்பைப் பெற்ற ‘டாடா’ படத்தின் இயக்குநர் கணேஷ் கே பாபு இயக்கத்தில், ரவி மோகன் நடிப்பில் உருவாகிவரும் புதிய திரைப்படம் ‘கராத்தே பாபு’.

சமகால அரசியல் நிலவரங்களையும், நிஜ வாழ்க்கை அரசியல் தலைவர்களை நேரடியாகவும் நையாண்டி செய்யும் விதமாக இந்தப் படம் முழுநீள அரசியல் நையாண்டித் திரைப்படமாக (Political Satire) உருவாகியுள்ளது. குறிப்பாக, படத்தின் நாயகனின் பாத்திரம் நிஜ வாழ்க்கை எம்.எல்.ஏவான சேகர்பாபுவின் வாழ்க்கையைப் பின்பற்றி உருவாக்கப்பட்டுள்ளதாகக் கூறப்படுவது திரையுலகில் பெரும் எதிர்பார்ப்பை ஏற்படுத்தியுள்ளது.

ஆனால், இந்த அதிரடியான கதைக்களம் தான் தற்போது படத்திற்குப் பெரிய சிக்கலாக மாறியுள்ளது. கடந்த இருபது நாட்களுக்கு முன்பு இந்தியத் திரைப்படத் தணிக்கைக் குழுவின் பார்வைக்குச் சென்ற இப்படத்தைக் பார்த்து அதிகாரிகள் கடும் அதிர்ச்சி அடைந்துள்ளனர்.

நிஜ அரசியல்வாதிகளை நேரடியாகச் சாடும் பல காட்சிகளும் வசனங்களும் படத்தில் இடம்பெற்றுள்ளதால், சாதாரண சான்றிதழ் வழங்குவதற்குப் பதிலாகப் படம் தணிக்கை மறுசீரமைக் குழுவிற்கு (Revising Committee) அனுப்பி வைக்கப்பட்டுள்ளது. சென்சார் துறையின் இந்த அதிரடி நடவடிக்கை படக்குழுவினருக்குப் பெரும் தலைவலியைக் கொடுத்துள்ளது.

தணிக்கைக் குழுவின் இந்த நீண்ட மற்றும் சிக்கலான நடைமுறைகள் காரணமாக, இப்படத்தின் திரையரங்க வெளியீடு இந்த ஆண்டுக்குள் நடைபெறுவது சந்தேகமே என்று கூறப்படுகிறது. சில வேளைகளில் படத்தின் ரிலீஸ் 2027-ஆம் ஆண்டுக்குத் கூடத் தள்ளிப்போக வாய்ப்புள்ளதாகத் தகவல் கசிந்துள்ளது.

மேலும் படிக்க »

இந்த செய்தியைப் பற்றிய கருத்தை பதிவு செய்யுங்கள். மேலும் இந்த செய்தியை உங்கள் நண்பர்களுடன் பகிர்ந்து கொள்ளுங்கள்.