“ஃபேன் கேர்ள் டூ சிஎம்!”: முதல்வர் விஜயை நேரில் சந்தித்து நெகிழ்ந்த நடிகை ராஷ்மிகா மந்தனா!
தமிழ் திரையுலகில் வெள்ளித்திரை நாயகனாக லட்சக்கணக்கான ரசிகர்களின் இதயங்களைக் வென்று, தற்போது தமிழ்நாட்டின் முதலமைச்சராகப் புதிய சிம்மாசனத்தில் வீற்றிருக்கும் விஜயின் (C. Joseph Vijay) அசுரத்தனமான வளர்ச்சி ஒட்டுமொத்த தென்னிந்தியாவையும் வியப்பில் ஆழ்த்தியுள்ளது. அரசியல் உலகிலும் மக்கள் நாயகனாக மிளிரும் முதல்வர் விஜயை, திரையுலக நட்சத்திரங்களும் பிரபலங்களும் தொடர்ந்து நேரில் சந்தித்துத் தங்களது வாழ்த்துகளைத் தெரிவித்து வருகின்றனர். அந்த வரிசையில், நீண்ட இடைவெளிக்குப் பிறகு முதல்வர் விஜயை நேரில் சந்தித்துத் தனது நெகிழ்ச்சியை வெளிப்படுத்தியுள்ளார் முன்னணி நடிகை ராஷ்மிகா மந்தனா (Rashmika Mandanna). After such a long time went to meet @actorvijay sir. From fangirling him for longer than I can remember to having the opportunity to work with sir to today admiring him for the Chief Minister he is! Biggest love and best wishes to you always sir! — Rashmika Mandanna (@iamRashmika) October 12, 2026 முன்னதாக ‘வாரிசு’ திரைப்படத்தில் விஜய்க்கு ஜோடியாக நடித்து பாக்ஸ் ஆபிஸில் பட்டையைக் கிளப்பிய ராஷ்மிகா, சிறுவயது முதலே விஜயின் தீவிர ரசிகையாக இருந்தவர் என்பது திரையுலகம் அறிந்த விஷயம். தற்போது முதலமைச்சராக இருக்கும் விஜயைச் சந்தித்த புகைப்படங்களைப் பகிர்ந்துள்ள ராஷ்மிகா, “நீண்ட நாட்களுக்குப் பிறகு விஜய் சாரைச் சந்தித்ததில் அளவற்ற மகிழ்ச்சி. சிறுவயதில் இருந்தே அவரை வியந்து பார்த்த ‘ஃபேன் கேர்ள்’ தருணங்களில் தொடங்கி, அவருடன் இணைந்து நடிக்கும் வாய்ப்பைப் பெற்றது வரை, இன்று அவர் தமிழ்நாட்டின் முதலமைச்சராக இருப்பதைக் கண்டு பெருமிதம் கொள்வது வரை இந்த அனுபவம் அற்புதமானது. அவரது இந்த அபாரமான வாழ்க்கைப் பயணம் உண்மையிலேயே ஈடுஇணையற்றது” என மனதாரப் பாராட்டியுள்ளார். திரையில் கண்ட நாயகனை நேரில் பார்த்து வியந்த ரசிகையாக இருந்து, பின்னர் அவருடன் இணைந்து நடித்து, இன்று மாநிலத்தை வழிநடத்தும் முதல்வராக அவரைக் கண்டு வியந்து நிற்கும் ராஷ்மிகாவின் இந்த உணர்வுப்பூர்வமான பதிவு ரசிகர்களின் மனங்களைத் தொட்டுள்ளது. இணையத்தில் தீயாய் பரவி வரும் இந்த வைரல் பதிவு, அரசியல் எல்லையைக் கடந்து சினிமா ரசிகர்களுக்கும் ஒரு அழகான நினைவலைகளை மீட்டுத் தந்துள்ளது.
His journey is nothing short of incredible! 
மேலும் படிக்க »
இந்த செய்தியைப் பற்றிய கருத்தை பதிவு செய்யுங்கள். மேலும் இந்த செய்தியை உங்கள் நண்பர்களுடன் பகிர்ந்து கொள்ளுங்கள்.
