வெள்ளை நிற உணவுகளுக்குத் தடை! ‘ஜெயிலர் 2’ செட்டில் ரஜினியின் சீக்ரெட் டயட்: மிர்பனா ஓபன் டாக்!

இன்றைய நவீன சினிமா உலகில் கொஞ்சம் வெற்றி பெற்றுவிட்டால் போதும், ஒழுக்கமும் கட்டுப்பாடும் இல்லாமல் ஆடம்பர வாழ்க்கையில் மூழ்கித் தம் உடல்நலனைக் கெடுத்துக்கொள்ளும் இளம் நடிகர்கள் மத்தியில், 70 வயதைக் கடந்தும் சூப்பர் ஸ்டாராகவே கோலோச்சும் ரஜினிகாந்த் (Rajinikanth) ஏன் இன்றும் ‘நம்பர் 1’ இடத்தில் இருக்கிறார் என்பதற்குச் சான்றாக ஒரு சுவாரஸ்யமான தகவல் வெளியாகியுள்ளது.

‘ஜெயிலர்’ (Jailer) திரைப்படத்தில் ரஜினியுடன் இணைந்து நடித்த நடிகை மிர்னா (Mirnaa), ரஜினியின் அசைக்க முடியாத தன்னடக்கம் மற்றும் அன்றாட கட்டுப்பாட்டு முறைகள் குறித்துப் பகிர்ந்துள்ள தகவல்கள் திரையுலகினரை வியப்பில் ஆழ்த்தியுள்ளன.

மேலும் நடிகை மிர்னா (Mirnaa) கூறுகையில், ரஜினி முற்றிலும் சுத்த சைவ உணவுகளை மட்டுமே உண்பவர் என்றும், காரசாரமான மசாலா பொருட்கள் மற்றும் உடலுக்குக் கேடு விளைவிக்கும் ‘வெள்ளை நிற உணவுகளான’ அரிசி, பால், தயிர், சர்க்கரை, உப்பு ஆகியவற்றைத் தனது உணவில் முற்றிலும் தவிர்த்து மிகக் கடுமையான டயட்டைப் பின்பற்றி வருகிறார் என்றும் மிர்னா தெரிவித்துள்ளார். படப்பிடிப்புக்கு வரும்முன் அதிகாலையிலேயே ஓட்டம், நீச்சல், டிரெட்மில் உடற்பயிற்சிகளை முடித்துவிட்டு, செய்தித்தாள் வாசிப்பது வரை ஒரு ராணுவ வீரன் போன்ற ஒழுக்கத்தை அவர் கடைப்பிடிக்கிறார்.

மலைப் பகுதியில் நடந்த படப்பிடிப்பின் போது ரஜினியின் அறைக்கு அருகிலேயே தங்கியிருந்த மிர்னா, தினமும் காலையில் அவரை நேரில் பார்த்த அனுபவத்தையும், ரஜினியின் ஆன்மீகப் பேச்சுகள் மற்றும் ‘பிரேக்கிங் பேட்’ (Breaking Bad) போன்ற சர்வதேசத் தொடர்களை அவர் ரசித்துப் பார்க்கும் இளமையான மனநிலையைப் பற்றியும் நெகிழ்ச்சியுடன் பகிர்ந்துள்ளார்.

வெறும் பந்தாக்களுக்காக வாழாமல், உடலையும் மனதையும் இவ்வளவு கட்டுப்பாட்டுடன் வைத்திருப்பதால்தான், தலைமுறைகள் கடந்தும் ரஜினியால் தமிழ் சினிமாவின் உச்ச நட்சத்திரமாக ஜொலிக்க முடிகிறது என்பதைச் வளரும் நடிகர்கள் இனிமேலாவது உணர்ந்து கொள்ள வேண்டும்!

மேலும் படிக்க »

இந்த செய்தியைப் பற்றிய கருத்தை பதிவு செய்யுங்கள். மேலும் இந்த செய்தியை உங்கள் நண்பர்களுடன் பகிர்ந்து கொள்ளுங்கள்.