#ChaloDilli: உச்ச நீதிமன்றத்தை நோக்கி பேரணி சொல்லும் ராகுல் காந்தி; என்னென்ன கோரிக்கைகளை வைக்கிறார்?
இன்று (அக்டோபர் 12) மக்களவை எதிர்க்கட்சித் தலைவர் ராகுல் காந்தி இந்தியா கூட்டணி தலைவர்கள் மற்றும் இளைஞர்களுடன் டெல்லியில் உச்ச நீதிமன்றத்தை நோக்கிப் பேரணி செல்ல உள்ளார்.
இந்தப் பேரணி குறித்து ராகுல் காந்தி நேற்று (அக்டோபர் 11) தனது எக்ஸ் பக்கத்தில் பதிவிட்டிருந்ததாவது...
“இது நாம் விரும்பும் இந்தியா அல்ல.
கட்சி, பாலினம், சாதி, சமூகம் மற்றும் மாநில எல்லைகளைக் கடந்து, ஒட்டுமொத்த இந்தியர்களாக நாம் அனைவரும் உச்ச நீதிமன்றத்தை நோக்கிப் பேரணியாகச் செல்வோம்.
ஒவ்வொருவரும் நம்முடன் இணைந்து...
இளைஞர்கள், அனைத்து எதிர்க்கட்சிகள், சிவில் சமூக அமைப்புகள் என ஜனநாயகத்தின் மீது நம்பிக்கை கொண்டு, இந்திய அரசியலமைப்பின் பக்கம் நிற்கும் ஒவ்வொருவரும் நம்முடன் இணைந்து நடைபயணம் மேற்கொள்வார்கள்.
வாக்குத் திருட்டைத் தடுக்க வேண்டும், SIR நடவடிக்கைகளை உடனடியாக நிறுத்த வேண்டும் மற்றும் ஞானேஷ் குமார் பதவி விலக வேண்டும் என்ற கோரிக்கைகளை முன்வைத்து, நாட்டின் சார்பில் தலைமை நீதிபதியிடம் மனு அளிக்கவுள்ளோம்.
நரேந்திர மோடி, அமித் ஷா, அஜித் தோவல் மற்றும் மோகன் பகவத் ஆகியோரால் இந்தியாவின் குரலை அடக்கிவிட முடியாது. இந்த பயந்தாங்கொள்ளிகளால் நம்மை அச்சுறுத்த முடியாது.
பயப்படாதீர்கள்
அவர்கள் வழிவிட்டு விலகியே தீர வேண்டும். அன்பு, சகோதரத்துவம் மற்றும் தேசபக்தியோடு நாம் அனைவரும் ஒன்றாக அணிவகுப்போம். பயப்படாதீர்கள்.
நாளை, ஒட்டுமொத்த இந்தியாவும் உச்ச நீதிமன்றத்தை நோக்கிப் படையெடுக்கும்.” என்று நேற்றைய பதிவில் குறிப்பிட்டிருந்தார்.
இன்று #ChaloDilli என்கிற ஹேஷ்டேக்குடன், “ஜனநாயகத்தைக் காக்க அணிவகுப்போம். நீதிக்காக அணிவகுப்போம்” என்று பதிவிட்டுள்ளார் ராகுல் காந்தி.
March for Democracy. March for Justice. #ChaloDilli https://t.co/1GQetlPOAY
— Rahul Gandhi (@RahulGandhi) October 12, 2026
மேலும் படிக்க »
இந்த செய்தியைப் பற்றிய கருத்தை பதிவு செய்யுங்கள். மேலும் இந்த செய்தியை உங்கள் நண்பர்களுடன் பகிர்ந்து கொள்ளுங்கள்.
