கைக்குழந்தையுடன் எம்.எல்.ஏ பல்லவி: இது அரசியல் விளம்பரமாக தோன்றுகிறது - கார்த்தி சிதம்பரம் சாடல்

சென்னை திரு.வி.க. நகர் தொகுதியின் எம்.எல்.ஏ. பல்லவி. இவர் பெரும்பாலும் தான் போகும் இடமெல்லாம் தன்னுடைய கைக்குழந்தையை எடுத்துச் செல்வார். இது பல முறை செய்திகளில் இடம்பெற்றிருக்கிறது.

“கைக்குழந்தையைச் செல்லும் இடமெல்லாம் எடுத்துப்போவது நல்லதல்ல. இவர் மகப்பேறு விடுப்பு வேண்டுமானாலும் எடுத்துக்கொள்ளலாம்” என்று தொடர்ந்து விமர்சனங்களும் எழுந்து வருகிறது.

ஆனால், இதுவரை இந்த விமர்சனங்களைப் பல்லவி கண்டுகொண்டதே இல்லை.

பிரதமர், முதல்வர் நிகழ்ச்சி

நேற்று (அக்டோபர் 11) இந்திய பிரதமர் மோடி, தமிழ்நாடு முதலமைச்சர் விஜய் ஐ.ஐ.டி. மெட்ராஸ்ல் நடந்த நிகழ்ச்சியில் கலந்துகொண்டு உரையாற்றினர்.

இந்த நிகழ்ச்சிக்கும் பல்லவி தன்னுடைய கைக்குழந்தையுடன் தான் வந்திருந்தார்.

கார்த்தி சிதம்பரம் பதிவு

இது குறித்து காங்கிரஸ் எம்.பி. கார்த்தி சிதம்பரம் தனது எக்ஸ் பக்கத்தில் பதிவிட்டுள்ளார்...

“வேலைக்குச் செல்லும் பெற்றோருக்கான குழந்தைகள் பராமரிப்பு மையம், மகப்பேறு விடுப்பு, மற்றும் தந்தையருக்கான விடுப்பு போன்ற குடும்பச் சாதகக் கொள்கைகளை நான் முழுமையாக ஆதரிக்கிறேன்.

பொது நிகழ்வுகளுக்குத் தொடர்ந்து குழந்தைகளை அழைத்து வருவது நடைமுறைத் தேவையை விட அரசியல் விளம்பரத்திற்காகவும் கவனத்தை ஈர்ப்பதற்காகவுமே செய்யப்படுவது போல் தோன்றுகிறது.

விஜய் இது குறித்து அவருக்கு உரிய அறிவுரைகளை வழங்குவார் என்று நம்புகிறேன்” என்று தனது பதிவில் குறிப்பிட்டுள்ளார்.

பல்லவியின் இந்தச் செயலுக்கு முதல்முறையாக கூட்டணிக் கட்சித் தலைவரிடமிருந்தே எதிர்ப்பு வந்துள்ளது. இதை தவெக தலைவர் மற்றும் தமிழ்நாடு முதல்வர் விஜய் கவனிப்பாரா?

While I fully support family-friendly policies such as workplace creches, maternity leave, and paternity leave, repeatedly taking an infant to public events appears more like political showmanship and attention-seeking than practical necessity. I hope @TVKVijayHQ will advise her suitably on this.

— Karti P Chidambaram (@KartiPC) October 11, 2026

மேலும் படிக்க »

இந்த செய்தியைப் பற்றிய கருத்தை பதிவு செய்யுங்கள். மேலும் இந்த செய்தியை உங்கள் நண்பர்களுடன் பகிர்ந்து கொள்ளுங்கள்.