Sigma: சின்ன பையன் சஞ்சய் இப்போ இயக்குநர் ஆகிட்டார் - ஜேசன் சஞ்சயை வாழ்த்திய சூர்யா & ஜோதிகா
நடிகர் விஜய்யின் மகனான ஜேசன் சஞ்சய் இயக்கியிருக்கும் சிக்மா படம், இன்று திரையரங்குகளில் வெளியாகிறது. சந்தீப் கிஷன், ராஜு சுந்தரம், அன்புதாசன் உள்ளிட்ட பலரும் நடித்திருக்கும் இந்தப் படத்திற்கு தமன் இசையமைத்திருக்கிறார்.
இந்தப் படத்திற்கும், ஜேசன் சஞ்சய்யின் அறிமுகத்திற்கும் வாழ்த்து தெரிவித்து சூர்யாவும், ஜோதிகாவும் சமூக வலைத்தளப் பக்கங்களில் பதிவிட்டிருக்கிறார்கள்.
ஜேசன் சஞ்சய்யை வாழ்த்திய ஜோதிகா, "அன்புள்ள ஜேசன் சஞ்சய் மற்றும் படக்குழுவினருக்கு, சிக்மா திரைப்படத்திற்கு என் மனமார்ந்த வாழ்த்துகள். உங்கள் பட விளம்பரங்களை மிகுந்த மகிழ்ச்சியோடு பார்த்து வருகிறேன்.
நீங்கள் இவ்வளவு முதிர்ச்சியாக, அமைதியாக, இயல்பாக இருக்கிறீர்கள். எல்லாவற்றிற்கும் மேலாக உங்கள் பெற்றோருக்கு ஒரு சிறந்த மகனாக வளர்ந்திருப்பதைப் பார்க்கும் போது, ஒவ்வொரு வெற்றியையும் நீங்கள் பெற முற்றிலும் தகுதியானவர் என்று தோன்றுகிறது.
உங்களுக்கும் முழு படக்குழுவிற்கும் திரைப்படம் சிறப்பான முறையில் வெளியாக வாழ்த்துகள். இறைவன் உங்களை எப்போதும் ஆசீர்வதிக்கட்டும்" எனக் குறிப்பிட்டு பதிவிட்டிருக்கிறார்.
Dear @official_jsj ( Jason Sanjay ) and team,
— Jyotika (@JyotikaSadanah) October 1, 2026
My heartfelt wishes for #SIGMA. Been watching your promotions with so much joy. Seeing the young man you've grown into, so mature, composed, real, and above all the finest son to your parents, tells me you deserve every bit of the…
சூர்யா, "உங்கள் வரவு நல்வரவாகட்டும் சஞ்சய்! சின்ன பையன் சஞ்சய் இப்போது இயக்குநராகிவிட்டார் என்பதை நம்ப முடியவில்லை.
நாளைக்கு பெரிய நாள். மனமார்ந்த வாழ்த்துகள்!" எனக் குறிப்பிட்டு பதிவிட்டிருக்கிறார்.
மேலும் படிக்க »
இந்த செய்தியைப் பற்றிய கருத்தை பதிவு செய்யுங்கள். மேலும் இந்த செய்தியை உங்கள் நண்பர்களுடன் பகிர்ந்து கொள்ளுங்கள்.
