“லுப்பர் பந்து” புகழ் நடிகர் தினேசுடன் காதலில் உள்ளதை அதிகாரப்பூர்வமாக உறுதிப்படுத்திய விஜே எழிலரசி: வைரலாகும் இன்ஸ்டா பதிவு!
சினிமா மற்றும் சின்னத்திரை வட்டாரங்களில் பிரபலங்களின் தனிப்பட்ட வாழ்க்கை குறித்த தகவல்கள் அவ்வப்போது ரசிகர்களின் கவனத்தை ஈர்ப்பது வழக்கம். அந்த வகையில், சன் தொலைக்காட்சியின் மூலம் அறியப்பட்ட பிரபல தொகுப்பாளினி மற்றும் விஜே எழிலரசி, நடிகர் தினேசுடன் தான் காதலில் இருப்பதை அதிகாரப்பூர்வமாக அறிவித்துள்ளார். இதுதொடர்பாக அவர் தனது இன்ஸ்டாகிராம் பக்கத்தில் பகிர்ந்துள்ள பதிவு தற்போது சமூக வலைதளங்களில் காட்டுத் தீ போல பரவி வருகிறது. நடிகர் தினேஷின் பிறந்தநாளை முன்னிட்டு எழிலரசி வெளியிட்டுள்ள அந்த இன்ஸ்டாகிராம் பதிவில், “என் மனிதருக்கு இனிய பிறந்தநாள் வாழ்த்துகள். வாழ்க்கையின் அனைத்து இன்ப-துன்பங்களிலும், ரோலர் கோஸ்டர் போன்ற ஏற்ற இறக்கங்களிலும் நான் உங்களையே ஒவ்வொரு முறையும் தேர்ந்தெடுப்பேன்” என்று மிகவும் ரொமான்டிக்காகக் குறிப்பிட்டுள்ளார். மேலும், இந்தச் செய்தியைப் பகிர்ந்துள்ளதோடு நில்லாமல், பெண் ரசிகைகளுக்கு ஒரு கியூட்டான எச்சரிக்கையையும் நகைச்சுவையாக விடுத்துள்ளார். அவர் தனது பதிவில், “FYI – பெண்களே, தயவுசெய்து பாதுகாப்பான தூரத்தில் இருந்து ரசியுங்கள், நன்றி” என்று குறிப்பிட்டுள்ளதோடு, தங்களது காதலுக்குக் கண் திருஷ்டி எதுவும் பட்டுவிடக் கூடாது என்பதற்காகக் கண் திருஷ்டி இமோஜிகளைப் பயன்படுத்தி “strictly NO” என்றும் திட்டவட்டமாகத் தெரிவித்துள்ளார். எழிலரசியின் இந்த வெளிப்படையான மற்றும் கியூட்டான காதல் அறிவிப்புக்குத் திரையுலக நண்பர்களும், ரசிகர்களும் சமூக வலைதளங்களில் தங்களது வாழ்த்துகளைத் குவித்து வருகின்றனர்.
மேலும் படிக்க »
இந்த செய்தியைப் பற்றிய கருத்தை பதிவு செய்யுங்கள். மேலும் இந்த செய்தியை உங்கள் நண்பர்களுடன் பகிர்ந்து கொள்ளுங்கள்.
