ரஜினி மற்றும் சூர்யா படங்களுக்காக ‘ஓம்’ ரிலீஸை ஒத்திவைத்தார் தனுஷ்: அதிகாரப்பூர்வ அறிக்கை வெளியீடு!
தமிழ் திரையுலகில் முன்னணி நடிகராகவும் இயக்குநராகவும் தயாரிப்பாளராகவும் கோலோச்சி வரும் தனுஷ் (Dhanush), தற்போது ‘ஓம்’ (OM) திரைப்படத்தில் நடித்துள்ளார். இந்நிலையில், தமிழ் சினிமா உலகைக் குலுக்கும் வகையில் நடிகர் தனுஷ் தனது படத்தின் ரிலீஸ் தேதியை அதிகாரப்பூர்வமாக ஒத்திவைப்பதாக அதிரடி அறிவிப்பை வெளியிட்டுள்ளார். சக நடிகர்களின் திரைப்படங்களுக்கு மரியாதை அளிக்கும் வகையிலும், திரையுலகின் வணிக நலனைக் கருத்தில் கொண்டும் அவர் இந்த முடிவை எடுத்துள்ளார். இது குறித்து தனுஷ் வெளியிட்டுள்ள அதிகாரப்பூர்வ அறிக்கையில், “இது போன்ற நேரங்களில் ஒரு படத்தின் வெளியீட்டை மாற்றுவது அதன் சொந்த சவால்களுடன் வருகிறது. நம் அனைவராலும் போற்றப்படும் நமது சூப்பர் ஸ்டார் ரஜினிகாந்த் அவர்களின் திரைப்படம் நம் படத்திற்கு முந்தைய நாளான அக்டோபர் 15 அன்று வெளியாகிறது. அவர் மீதுள்ள எல்லையற்ற மரியாதையின் காரணமாக, எங்கள் ‘ஓம்’ படத்தின் வெளியீட்டைப் பிந்தைய தேதிக்கு ஒத்திவைக்க முடிவு செய்துள்ளோம். அதேசமயம், இந்த ஆண்டு தீபாவளி வெளியீட்டிற்கும் நாங்கள் வரவில்லை; ஏனெனில் சூர்யா சார் அவர்களின் திரைப்படம் ஏற்கனவே அதே தேதிக்கு அறிவிக்கப்பட்டுள்ளது. நியாயமாகப் பார்த்தால் அவர்கள்தான் தங்கள் தேதியை முதலில் அறிவித்தனர். பெரிய படங்கள் பரஸ்பர புரிதலுடன் நடந்து கொண்டு, ஒருவருக்கொருவரின் முடிவுகளை மதிக்க வேண்டும் என்று நாங்கள் உறுதியாக நம்புகிறோம். படத்தின் புதிய புதிய தேதி விரைவில் அறிவிக்கப்படும்” என்று குறிப்பிட்டுள்ளார். #OM pic.twitter.com/tK5f6bigTo — Dhanush (@dhanushkraja) September 23, 2026 தனுஷின் இந்த பக்குவமான மற்றும் முதிர்ச்சியான முடிவு கோலிவுட் வட்டாரத்தில் பெரும் வரவேற்பைப் பெற்றுள்ளது. ஒரே தேதியில் பல பெரிய படங்கள் மோதிக் கொள்வதால் ஏற்படும் வசூல் இழப்பைத் தவிர்க்கவும், திரையரங்குகளில் ஆரோக்கியமான சூழலை நிலைநிறுத்தவும் முன்னணி நடிகர்கள் இதுபோன்று விட்டுக்கொடுத்துச் செல்வது தமிழ் சினிமா வரலாற்றில் பாராட்டுக்குரிய விஷயமாகப் பார்க்கப்படுகிறது. ரஜினியின் படத்திற்கும் சூர்யாவின் படத்திற்கும் வழிவிட்டு ‘ஓம்’ படத்தின் வெளியீடு தள்ளிவைக்கப்பட்டுள்ளதை அடுத்து, தனுஷின் இந்த பெருந்தன்மைக்குத் திரையுலகினர் மற்றும் ரசிகர்கள் மத்தியில் வாழ்த்துகள் குவிந்து வருகின்றன.
மேலும் படிக்க »
இந்த செய்தியைப் பற்றிய கருத்தை பதிவு செய்யுங்கள். மேலும் இந்த செய்தியை உங்கள் நண்பர்களுடன் பகிர்ந்து கொள்ளுங்கள்.
