The Paradise படத்தில் தண்ணீருக்குள் நடக்கும் சண்டைக்காட்சி இருக்கிறதா? - நானி சொல்வது என்ன?

தசரா படத்தின் வெற்றிக்குப் பிறகு, நடிகர் நானி மற்றும் இயக்குநர் ஸ்ரீகாந்த் ஒடேலா கூட்டணியில் உருவாகியிருக்கும் திரைப்படம் ‘தி பாரடைஸ்’.

அனிருத் இசையமைத்திருக்கும் இந்தப் படம் வருகிற 24-ம் தேதி திரையரங்குகளில் வெளியாகிறது.

இந்தப் படம் பற்றிய சில சுவாரஸ்யமான தகவல்களைச் சமீபத்தில் நடைபெற்ற ப்ரோமோஷன் நிகழ்வில் இயக்குநர் ஸ்ரீகாந்த் ஒடேலாவும், நடிகர் நானியும் பகிர்ந்திருக்கிறார்கள்.

இயக்குநர் ஸ்ரீகாந்த் ஒடேலா பேசுகையில், "நான் சிறுவயதில் எனது சொந்த ஊரில் வளர்ந்தபோது நேரில் பார்த்த நிஜ வாழ்க்கைச் சம்பவங்களின் அடிப்படையிலேயே இந்தப் படத்தின் கதையை உருவாக்கியிருக்கிறேன்.

தி பாரடைஸ் திரைப்படம் மிகவும் உணர்வுப்பூர்வமான திரைப்படமாக இருக்கும்.

ஒரு தாய்க்கும் மகனுக்குமான பாசப் போராட்டமாகவும், சமூகத்தின் ஓரங்கட்டப்பட்ட மக்களின் வாழ்வியல் போராட்டமாகவும் இது இருக்கும்.

மேலும், தன் நாட்டிற்காகப் போராடிய மக்கள், கடைசியில் தங்களுக்குச் சொந்த நாட்டில் இடமே இல்லை என்பதை உணரும்போது அவர்களின் போராட்டம் வேறு திசையை நோக்கி மாறுகிறது. அதுவே இந்தப் படத்தின் மையக் கதை" என்று விளக்கியுள்ளார்.

அவரைத் தொடர்ந்து இப்படம் தொடர்பாகப் பேசிய நடிகர் நானி, "என்னுடைய 18 ஆண்டுகாலத் திரைவாழ்க்கையில் உடலளவிலும் மனதளவிலும் மிகவும் சோர்வடைய செய்த படம் இதுதான்.

அதுபோல, மிகவும் கடின உழைப்பைக் கோரிய திரைப்படமும் இதுதான். மேலும், படத்தில் நீருக்கடியில் சண்டை போடும் காட்சிகள் இருப்பதாக வெளியாகும் தகவல்கள் வதந்திகள்தான்.

படத்தில் அதுபோன்ற காட்சிகள் எதுவுமில்லை" என விளக்கமளித்திருக்கிறார்.

மேலும் படிக்க »

இந்த செய்தியைப் பற்றிய கருத்தை பதிவு செய்யுங்கள். மேலும் இந்த செய்தியை உங்கள் நண்பர்களுடன் பகிர்ந்து கொள்ளுங்கள்.