57 ரன்களில் சுருட்டி 5 ஓவர்களில் ஆட்டத்தை முடித்த இந்திய மகளிர் அணி.. அரையிறுதிக்கு தகுதி..

 

 

ஜப்பானில் நடைபெற்று வரும் 20-வது ஆசிய விளையாட்டு போட்டிகளின் காலிறுதி ஆட்டத்தில், இந்திய மகளிர் கிரிக்கெட் அணி ஜப்பானை வீழ்த்தி அபாரமாக அரையிறுதிக்குத்தகுதி பெற்றுள்ளது.

 

நாக்கோயாவில் நடைபெற்ற இப்போட்டியில் டாஸ் வென்ற இந்திய அணியின் கேப்டன் ஹர்மன்ப்ரீத் கௌர் பந்துவீச்சை தேர்வு செய்தார். இந்திய அணியின் சிறப்பான பந்துவீச்சை சமாளிக்க முடியாமல் திணறிய ஜப்பான் அணி, 19.5 ஓவர்களில் அனைத்து விக்கெட்டுகளையும் இழந்து வெறும் 57 ரன்களுக்கு சுருண்டது. இந்திய தரப்பில் ஸ்ரீசரணி அசத்தலாக பந்துவீசி 4 விக்கெட்டுகளை கைப்பற்றினார்.

 

பின்னர் 58 ரன்கள் என்ற எளிய இலக்கை நோக்கி களமிறங்கிய இந்திய அணி, தொடக்க வீராங்கனை ஷஃபாலி வர்மாவின் அதிரடியான ஆட்டத்தால் எளிதில் இலக்கை எட்டியது. ஷஃபாலி 15 பந்துகளில் 6 பௌண்டரிகள் மற்றும் 2 சிக்ஸர்களுடன் 40 ரன்கள் குவித்து ஆட்டமிழக்காமல் இருந்தார். இந்திய அணி 5 ஓவர்களிலேயே 2 விக்கெட்டுகளை இழந்து 59 ரன்கள் எடுத்து 8 விக்கெட் வித்தியாசத்தில் வெற்றி பெற்றது. 

 

இந்த வெற்றியின் மூலம் இந்திய மகளிரணி அரையிறுதி போட்டிக்கு முன்னேறியுள்ளதுடன், அங்கு வங்கதேச அணியை எதிர்கொள்ளவுள்ளது.

 

 

Edited by Siva

மேலும் படிக்க »

இந்த செய்தியைப் பற்றிய கருத்தை பதிவு செய்யுங்கள். மேலும் இந்த செய்தியை உங்கள் நண்பர்களுடன் பகிர்ந்து கொள்ளுங்கள்.