யஷின் ‘டாக்சிக்’ பட சென்சார் ரிப்போர்ட்: ரத்தமும் சதையுமாக மிரட்டும் கோவா டிரக் கார்டெல் கதை – பிக்பிஎப்சி (BBFC) வெளியிட்ட பகீர் தகவல்கள்!

கன்னட திரையுலகின் முன்னணி ஸ்டாரான ராக்கிங் ஸ்டார் யஷ் (Yash) நடிப்பில், இயக்குநர் கீது மோகன்தாஸ் (Geetu Mohandas) இயக்கத்தில் உருவாகியுள்ள பிரம்மாண்டமான திரைப்படம் ‘டாக்சிக்: எ ஃபேரி டேல் ஃபார் கிரோன்-அப்ஸ்’ (Toxic: A Fairy Tale for Grown-Ups). உலகமெங்கும் பெரும் எதிர்பார்ப்பை ஏற்படுத்தியுள்ள இப்படத்தின் பிக்பிஎப்சி (BBFC) தணிக்கைக் குழு அறிக்கை தற்போது வெளியாகி சினிமா வட்டாரத்தில் பரபரப்பை ஏற்படுத்தியுள்ளது.

பிரிட்டன் தணிக்கைக் குழு வெளியிட்டுள்ள அறிக்கையின்படி, கோவாவில் சக்திவாய்ந்த போதைப்பொருள் கடத்தல் கார்டெலின் தலைவனாக வலம்வரும் நாயகன் தனது சொந்த அழிவுக்கான விதைகளை எப்படிக ஸ்டாகிறான் என்பதே இப்படத்தின் மையக்கதைக்களமாகும். இப்படத்தில் கடுமையான ரத்தக் களறி நிறைந்த வன்முறை மற்றும் பெரியவர்களுக்கான காட்சிகள் (Strong bloody violence, sex) அதிகமாக இடம்பெற்றுள்ளதால், இதற்கு வயது வந்தோருக்கான சான்றிதழ் வழங்கப்பட்டுள்ளது.

இப்படத்தில் யஷுடன் இணைந்து நயன்தாரா, கியாரா அத்வானி, தாரா சுதாரியா, ருக்மணி வசந்த் மற்றும் ஹூமா குரேஷி உள்ளிட்ட பல முன்னணி நட்சத்திரங்கள் இணைந்து நடித்துள்ளனர். இந்தியத் திரையுலகின் மிகவும் எதிர்பார்க்கப்பட்ட அதிரடி திரைப்படங்களில் ஒன்றாக உருவாகியுள்ள இப்படத்தின் அடுத்தடுத்த அப்டேட்டுகள் விரைவில் வெளியாகும் என எதிர்பார்க்கப்படுகிறது.

2026 ஆகஸ்ட் 26 அன்று, “டாக்சிக்” உலகெங்கும் திரையரங்குகளில் வெளியாகத் திட்டமிடப்பட்டுள்ளது. இப்படமானது கன்னடம், ஆங்கிலம், இந்தி, தெலுங்கு, தமிழ் மற்றும் மலையாளம் ஆகிய மொழிகளில் வெளியாகிறது என்பது குறிப்பிடத்தக்கது.

மேலும் படிக்க »

இந்த செய்தியைப் பற்றிய கருத்தை பதிவு செய்யுங்கள். மேலும் இந்த செய்தியை உங்கள் நண்பர்களுடன் பகிர்ந்து கொள்ளுங்கள்.