TNPL 2026 : ஹரிஹரன் அதிரடி; திண்டுக்கல் சரவெடியான பேட்டிங்; தோல்வி கண்டது சேலமும் - மதுரையும்.!

TNPL 2026 18-வது மற்றும் 19-வது லீக் போட்டிகள் திண்டுக்கல் என்பிஆர் கல்லூரி மைதானத்தில் நடைபெற்றது. இதில் திண்டுக்கல் டிராகன்ஸ் அணி 81 ரன்கள் வித்தியாசத்தில் சேலம் ஸ்பார்டன்ஸையும்,

சேப்பாக் சூப்பர் கில்லீஸ் அணி 39 ரன்கள் வித்தியாசத்தில் மதுரை பாந்தர்ஸ் அணியையும் வீழ்த்தியது.

திண்டுக்கல் டிராகன்ஸ்-க்கும் சேலம் ஸ்பார்டன்ஸ்குமான 18-வது லீக் போட்டி மழையின் காரணமாக தலா 15 ஓவர்கள் மட்டுமே என்ற முடிவில் போட்டி தொடங்கியது. டாஸ் வென்ற சேலம் ஸ்பார்டன்ஸ் முதலில் பவுலிங்கை தேர்வு செய்தது.

அதுவே திண்டுக்கல் டிராகன்ஸ்-க்கு சாதகமாக அமைந்தது. தொடக்க ஆட்டக்காரர்களான சிவம் சிங் மற்றும் வி.கே.வினீத் இருவரின் பார்ட்னர்ஷிப் சிறப்பான ரன்களை கொடுத்தது.

திண்டுக்கல் அணியின் கேப்டன் இந்திரஜித் தனது Blast-ஆன பேட்டிங்கின் மூலம் 25 பந்துகளில் 3 பவுண்டரிகள்,8 சிக்சர்களை விளாசி 73 ரன்களை குவித்தார். இது ஆட்டத்தின் வெற்றிக்கு வழி வகுத்தது. இதனால் சேலம் அணி நெருக்கடிக்குள்ளானது. இவருடன் இணைந்த விமல் குமார் 35 ரன்களை அடிக்க இருவரின் பார்ட்னர்ஷிப் வெறும் 24 பந்துகளில் 62 ரன்களை குவித்தது. முதல் இன்னிங்ஸ் முடிவில் 6 விக்கெட் இழப்புக்கு 239 ரன்களை எடுத்து இலக்கு வைத்தது.

பரபரப்பாக ஆரம்பித்த இரண்டாவது இன்னிங்ஸில்

கேப்டன் எஸ்.அபிஷேக் மட்டுமே அதிகபட்சமாக 38 ரன்களை எடுத்திருந்தார். பேஸ்மண்ட் வீக்காகி அடுத்தடுத்து வீக்கெட்டுகள் சரிய சேலம் ஸ்பார்டன்ஸ் அணி 15 ஓவர்களுக்கு 8 விக்கெட்டுகளை இழந்து 158 ரன்கள் மட்டுமே எடுத்து தோல்வியை தழுவியது.

ஹரிஹரனின் அதிரடியான சதம், மதுரை பாந்தர்ஸின் முதல் தோல்வி !

19-வது லீக் போட்டி மதுரை பாந்தர்ஸ் vs சேப்பாக் சூப்பர் கில்லீஸ் அணிகள் மோதின. டாஸ் வென்ற மதுரை பாந்தர்ஸ் முதலில் பவுலிங்கை தேர்வு செய்தது. பேட்டிங்கிற்கு களமிறங்கிய சேப்பாக் சூப்பர் கில்லீஸ் வீரர்களின் பார்ட்னர்ஷிப் புல்லட் ரயில் போல வேகத்தில் சென்று 169 ரன்களை சேர்த்தது.

ஹரிஹரன் மற்றும் கேப்டன் என்.ஜெகதீசன் பந்தை சிக்சர், பவுண்டரிகள் என பிரிச்சு மோய்ந்தனர். 50 பந்துகளுக்கு 108 ரன்களை விளாசி ஆவி பறக்க சென்சுரி விருந்து வைத்தார். மதுரை பாந்தர்ஸ்-க்கு மறுபக்கம் என்.ஜெகதீசன் 48 பந்துகளுக்கு 79 ரன்களை குவித்திருந்தார். இருவரின் விக்கெட்டுக்கு பிறகு வந்த ஸ்வப்னில் சிங்-ம் தனது பங்கிற்கு 42 ரன்களை அள்ளி தந்தார். 20 ஓவர்கள் முடிவில் இரண்டு விக்கெட்டுகளை இழந்து 240 ரன்களை மதுரை பாந்தர்ஸ்-க்கு இலக்காக வைத்தது.

இரண்டாவது இன்னிங்ஸின் தொடக்கம் ஏனோ மதுரை பாந்தர்ஸ்க்கு சரியாக கைகூடவில்லை.

ஒவ்வொரு வீரர்களும் சொற்ப ரன்களில் விக்கெட் இழக்க கேப்டன் சித்தா ராம் ஒரு ரன்களை கூட அடிக்காமல் ஆட்டமிழந்தார். டீமை காப்பாற்றி ஆக வேண்டும் என்ற எண்ணத்தில் ஹரி ராகவேந்திரா மட்டும் போராடி 57 பந்துகளுக்கு 98 ரன்களை சேர்த்து பின் அவரும் அவுட்டானார்.

20 ஓவர்கள் முடிவில் 8 விக்கெட்டுகளை இழந்து 201

ரன்களை மட்டுமே சேர்த்து மதுரை பாந்தர்ஸ் தனது முதல் தோல்வியை கண்டது‌. சிறப்பாக ஆடி சதம் விளாசிய ஹரிஹரன் மேன் ஆஃப் தி மேட்ச் பெற்றார்.

மேலும் படிக்க »

இந்த செய்தியைப் பற்றிய கருத்தை பதிவு செய்யுங்கள். மேலும் இந்த செய்தியை உங்கள் நண்பர்களுடன் பகிர்ந்து கொள்ளுங்கள்.