Viswanath & Sons: இது அம்மா, அப்பாக் களுக்கு பிடிக்கிற நல்ல ஃபேமிலி படம்! - வெங்கி அத்லூரி
சூர்யாவின் விஸ்வநாத் & சன்ஸ் திரைப்படம் வருகிற ஆகஸ்ட் 14-ம் தேதி திரைக்கு வருகிறது. லக்கி பாஸ்கர் வெங்கி அத்லூரி இயக்கும் இந்தப் படத்தில் மமிதா பைஜூ, ராதிகா சரத்குமார் ஆகியோர் முக்கியக் கதாபாத்திரங்களில் நடித்திருக்கிறார்கள்.
இப்படத்தின் இசை வெளியீட்டு விழா கோவை இந்துஸ்தான் கல்லூரியில் நடைபெற்றது.
இயக்குநர் வெங்கி அத்லூரி பேசுகையில், "சூர்யா சாருடைய ஃபேன்ஸோட பிளஸ்ஸிங்கும் அன்பும் எங்களுக்கும் வேணும். செட்ல மமிதா பைஜூ எனக்கு ஒரு லிட்டில் சிஸ்டர் மாதிரி. சூர்யா சார் எனக்கு ஒரு பிரதர். ஜி.வி. பிரகாஷ் கூட எனக்கு இது மூன்றாவது படம்.
எப்போதுமே என்னோட எதிர்பார்ப்புக்கு அப்பாற்பட்ட உழைப்பைத்தான் ஜி.வி. கொடுப்பாரு. இந்தப் படம் ரசிகர்களுக்கு மட்டும் இல்லை, அவங்களோட அம்மா-அப்பாவுக்கும் ரொம்பப் பிடிக்கிற நல்ல ஃபேமிலி படம்.
கண்டிப்பா ஜென்- சி தலைமுறைக்குப் பிடிச்ச படமா இருக்கும். படத்துல ஒரு பத்து நிமிஷத்துக்கு சூர்யா சாருக்கும் ராதிகா மேமுக்கும் இடையே ஒரு பயங்கரமான காமெடி சீன் இருக்கு" எனப் பேசினார்.
இதனை தொடர்ந்து அவரிடம், "சில்லுனு ஒரு காதல், வாரணம் ஆயிரம், கஜினி படத்துல எல்லாம் லவ்வர் பாய் சூர்யா சாரைப் பார்த்திருக்கோம். இந்தப் படத்துலயும் அப்படி இருக்காரா?" எனத் தொகுப்பாளினி டிடி கேள்வி எழுப்பினார்.
அதற்குப் பதிலளித்த இயக்குநர் வெங்கி அத்லூரி, "இது ஒரு நியூ ஏஜ் திரைப்படமாக இருக்கும்" என்று கூறினார்.
மேலும் படிக்க »
இந்த செய்தியைப் பற்றிய கருத்தை பதிவு செய்யுங்கள். மேலும் இந்த செய்தியை உங்கள் நண்பர்களுடன் பகிர்ந்து கொள்ளுங்கள்.
