Prithvi Shaw: பலமுறை ஏமாற்றப்பட்டேன்! - வைரலாகும் பிரித்வி ஷாவின் காதலி அகிருதியின் பதிவு
இந்தியக் கிரிக்கெட் வீரர் பிரித்வி ஷாவின் ஃபியான்சே அகிருதி அகர்வால், தான் பலமுறை ஏமாற்றப்பட்டதாகக் கூறி இன்ஸ்டாகிராம் பக்கத்தில் பகிர்ந்துள்ள ஒரு பதிவு தற்போது சமூக வலைதளங்களில் வைரலாகப் பரவி வருகிறது.
இந்தப் பதிவில் அவர் பிரித்வி ஷாவின் பெயரையோ அல்லது வேறு யாருடைய பெயரையோ நேரடியாகக் குறிப்பிடவில்லை என்றாலும், இணையத்தில் இந்த விமர்சனம் பிரித்வி ஷா மீது வைக்கப்பட்டதாக பகிர்ந்து வருகின்றனர். இவர்களது நிச்சயதார்த்தம் கடந்த மார்ச் மாதம் நடைபெற்றிருந்தது குறிப்பிடத்தக்கது.
அகிருதி தனது இன்ஸ்டாகிராம் பக்கத்தில் பிரித்வி ஷாவை அன்ஃபாலோ, செய்யவோ அல்லது தங்களது நிச்சயதார்த்தப் புகைப்படங்களை நீக்கவோ இல்லை.
அகிருதி தனது இன்ஸ்டாகிராம் பக்கத்தின் ஸ்டோரியில், "நான் பலமுறை ஏமாற்றப்பட்டேன், இருந்தும் நான் ஒரு வார்த்தை கூடப் பேசவில்லை. வாழ்க்கையில் ஒரு படி மேலே எடுத்து வைத்த பிறகும் இப்படியா என்பதை என்னால் இன்னும் நம்ப முடியவில்லை.
எல்லாமே உண்மைதான். வெளியாகும் ஒவ்வொரு வதந்தியும் உண்மைதான். அவரைப் பற்றி நீங்கள் சமூக வலைத்தளங்களில் பார்ப்பது அத்தனையும் உண்மை" என்று பதிவிட்டிருந்தார்.
அகிருதி அகர்வால் ஒரு நடிகை மற்றும் சமூக வலைத்தள இன்ஃப்ளூயன்சர் ஆவார். 2026-ம் ஆண்டின் ஐபிஎல் தொடரில் டெல்லி கேபிட்டல்ஸ் அணியில் பிரித்வி ஷா இடம்பிடித்திருந்தார்.
ஆனால், மோசமான உடற்தகுதி மற்றும் ஃபார்ம் அவுட் காரணமாக இந்த சீசனில் அவருக்கு ஒரு போட்டியில் கூட விளையாடும் வாய்ப்புக் கிடைக்கவில்லை என்பது குறிப்பிடத்தக்கது.
மேலும் படிக்க »
இந்த செய்தியைப் பற்றிய கருத்தை பதிவு செய்யுங்கள். மேலும் இந்த செய்தியை உங்கள் நண்பர்களுடன் பகிர்ந்து கொள்ளுங்கள்.
