11 வருட காத்திருப்புக்கு எண்ட் கார்டு..! அல்போன்ஸ் புத்திரன் – நிவின் பாலி மேஜிக் கூட்டணியின் ‘விஜயம்’ அனௌன்ஸ்மென்ட்.. பைக் ரேஸர் லூக்கில் அதிரடி காட்டப்போகும் NP50 மாஸ் ஃபர்ஸ்ட் லுக்..!
மலையாள திரையுலகம் மட்டுமின்றி ஒட்டுமொத்த தென்னிந்திய சினிமா ரசிகர்களையும் தங்களது காதல் காவியமான ‘பிரேமம்’ படத்தின் மூலம் கட்டிப்போட்ட மாஸ் கூட்டணி மீண்டும் களம் இறங்கியுள்ளது. நடிகர் நிவின் பாலி மற்றும் முன்னணி இயக்குநர் அல்போன்ஸ் புத்திரன் ஆகிய இருவரும் தங்களது முந்தைய பிளாக்பஸ்டர் கூட்டணியான ‘நேரம்’ மற்றும் ‘பிரேமம்’ படங்களுக்குப் பிறகு, சுமார் 11 ஆண்டுகள் கழித்து புதிய படத்திற்காக மீண்டும் கைகோர்த்துள்ளனர். நிவின் பாலியின் திரைப்பயணத்தில் மிக முக்கியமான மைல்கல்லான 50-வது திரைப்படமாக (NP50) உருவாகும் இந்த பிரம்மாண்ட திரைப்படத்திற்கு ‘விஜயம்’ (Vijayam) என அதிகாரப்பூர்வமாக தலைப்பிடப்பட்டு, அதன் ஃபர்ஸ்ட் லுக் போஸ்டர் தமிழ், மலையாளம் மற்றும் ஆங்கிலம் ஆகிய மொழிகளில் தற்பொழுது வெளியிடப்பட்டுள்ளது. “ஒவ்வொரு சிறந்த பயணமும் ஒரு சிறிய நம்பிக்கையுடனும், உங்களுடன் முதல் திருப்பத்தை எடுக்கத் தயாராக இருக்கும் ஒருவருடனும் தொடங்குகிறது.. என்னுடன் இந்த பயணத்தைத் தொடங்கிய நண்பனுடன் மீண்டும் இணைந்துள்ளேன்” என்று நெகிழ்ச்சியோடு குறிப்பிட்டு நடிகர் நிவின் பாலி இந்த அறிவிப்பை தனது சமூக வலைத்தள பக்கத்தில் பகிர்ந்துள்ளார். இந்த அதிகாரப்பூர்வ தலைப்பு மற்றும் ஃபர்ஸ்ட் லுக் போஸ்டர் வெளியீட்டு விழா கொச்சியில் உள்ள பத்மா தியேட்டரில் ரசிகர்களின் முன்னிலையில் பிரம்மாண்டமாக நடைபெற்றது. வெளியாகி இருக்கும் ஃபர்ஸ்ட் லுக் போஸ்டரில் நிவின் பாலி மிகவும் முரட்டுத்தனமான பைக் ரேஸர் மற்றும் பைக்கர் கெட்டப்பில் அசாத்தியமாக காட்சியளிப்பதால், இது ஒரு அதிரடியான ஆக்ஷன் அல்லது ஸ்போர்ட்ஸ் டிராமா திரைப்படமாக இருக்கும் என்று சினிமா செய்திகள் வட்டாரங்கள் தெரிவிக்கின்றன. Every great ride begins with a little faith..and someone willing to take the first turn with you. Presenting the official first look poster in Malayalam , English and Tamil of #Vijayam A @puthrenalphonse Film … pic.twitter.com/UnOtscTbnB — Nivin Pauly (@NivinOfficial) June 27, 2026 இயக்குநர் அல்போன்ஸ் புத்திரன் இப்படத்திற்கு கதை, திரைக்கதை எழுதுவதுடன் அவரே எடிட்டிங் பணிகளையும் கவனிப்பது கூடுதல் எதிர்பார்ப்பை ஏற்படுத்தியுள்ளது. டான்சன் டோனி, சுனில் ராமடி மற்றும் நிவின் பாலியின் சொந்த தயாரிப்பு நிறுவனமான பாலி ஜூனியர் பிக்சர்ஸ் இணைந்து தயாரிக்கும் இந்த ‘விஜயம்’ திரைப்படம், சமீபகாலமாக ஒரு அசாத்திய வெற்றிக்காக காத்திருக்கும் நிவின் பாலி மற்றும் அல்போன்ஸ் புத்திரன் ஆகிய இருவருக்குமே பாக்ஸ் ஆபீஸில் ஒரு மிகப்பெரிய கம்பேக் படமாக அமையும் என்பதில் எவ்வித சந்தேகமும் இல்லை.
Back with the friend who started this journey with me.
மேலும் படிக்க »
இந்த செய்தியைப் பற்றிய கருத்தை பதிவு செய்யுங்கள். மேலும் இந்த செய்தியை உங்கள் நண்பர்களுடன் பகிர்ந்து கொள்ளுங்கள்.
