பாக்யராஜ் - பாரதிராஜா காம்போ: இருவருக்குமே முதல் திரைப்படம் 16 வயதினிலே தான்!
தமிழ் திரையுலகில் இயக்குநர் இமயம் பாரதிராஜாவின் விரல்களைப் பிடித்து தான் தனது பயணத்தைத் தொடங்கினார் பாக்யராஜ்.
ஆம்... 1977-ம் ஆண்டு வெளிவந்த 16 வயதினிலே திரைப்படம் தான் பாரதிராஜா, பாக்யராஜ் இருவருக்கும் முதல் திரைப்படம். ஆனால் என்ன... பாரதிராஜா அந்தத் திரைப்படத்தின் இயக்குநர்... அதில் பாக்யராஜ் உதவி இயக்குநர்.
16 வயதினிலேயில் பாக்யராஜ் ஒரு கேமியோ ரோல் கூட செய்திருக்கிறார்.
அதன் பிறகு, கிழக்கே போகும் ரயில், சிவப்பு ரோஜாக்கள் திரைப்படங்களிலும் இவர்களது இயக்குநர் - உதவி இயக்குநர் காம்போ தொடர்ந்திருக்கிறது.
பாரதிராஜாவின் புதிய வார்ப்புகள் படத்தின் திரைக்கதை எழுத்தாளர் பாக்யராஜ் தான்.
அதன் பிறகு, 1979-ம் ஆண்டு சுவரில்லாத சித்திரங்கள் திரைப்படம் மூலம் பாக்யராஜ் தமிழ் திரையுலகில் இயக்குநராக என்ட்ரி கொடுத்து, வெற்றி நடை போட தொடங்கினார். கூடவே, நடிகராகவும் கலக்கி வந்தார்.
இயக்குநர், நடிகர் என வலம் வந்துகொண்டிருந்த நேரத்திலும், 1985-ம் ஆண்டு பாரதிராஜா - பாக்யராஜ் காம்போ ஒன்று சேர்ந்தது. அந்த ஆண்டு வெளியான ஒரு கைதியின் டைரி திரைப்படத்தின் இயக்குநர் பாரதிராஜா... திரைக்கதை எழுத்தாளர் பாக்யராஜ்.
அதற்கு முன்பு, 1984-ம் ஆண்டில், பாக்யராஜின் தாவணி கனவுகள் திரைப்படத்தில் இயக்குநராகவே நடித்திருந்தார் பாரதிராஜா.
அதன் பிறகு, இருவரும் திரைப்படங்களில் ஒன்றிணையவில்லை என்றாலும், ஆஃப் கேமராவில் இவர்களது அன்பு தொடர்ந்துகொண்டே தான் இருந்தது.
குரு பாரதிராஜா இறந்த 17 நாள்களில் சிஷ்யர் பாக்யராஜும் காலமாகியுள்ளது தமிழ் திரையுலகிற்கு பேரிழப்பாக பார்க்கப்படுகிறது.
மேலும் படிக்க »
இந்த செய்தியைப் பற்றிய கருத்தை பதிவு செய்யுங்கள். மேலும் இந்த செய்தியை உங்கள் நண்பர்களுடன் பகிர்ந்து கொள்ளுங்கள்.
