ஜனநாயகன் தயாரிப்பாளருக்கு முக்கிய பதவி வழங்கிய முதல்வர் விஜய்! - விவரம் என்ன?
ஜனநாயகன் படத்தின் தயாரிப்பாளரான கே.வெங்கட நாராயணாவுக்கு தமிழக அரசின் டெல்லி பிரதிநிதி பொறுப்பை கொடுத்திருக்கிறார் முதல்வர் விஜய்.
திரையுலகில் விஜய்யின் கடைசி படமான ஜனநாயகன் படத்தை தயாரித்திருந்தது கர்நாடகாவை சேர்ந்த கே.வி.என் நிறுவனம். படத்தை கடந்த பொங்கலுக்கு வெளியிட திட்டமிட்டிருந்தனர்.
ஆனால், படத்தின் தணிக்கையில் ஏற்பட்ட பிரச்னையால் அந்தப் படம் இன்னும் வெளியாகாமல் முடங்கி கிடக்கிறது. இடையில் சட்டமன்றத் தேர்தல் நடந்து விஜய் முதல்வரும் ஆகிவிட்டார். விஜய் ஆட்சியமைக்க உரிமைகோரி ஆளுநரை சந்தித்த போதும் கே.வி.என் நிறுவனத்தின் உரிமையாளர் கே.வெங்கட நாராயணா உடன் இருந்தார். இந்நிலையில், இன்று தமிழக அரசின் டெல்லி பிரதிநிதியாக கே.வெங்கட நாராயணா நியமிக்கப்பட்டிருப்பதாக தமிழக அரசு அதிகாரப்பூர்வமாக அறிவித்திருக்கிறது.
தமிழக அரசின் அறிவிப்பு வெளியாகி சில நிமிடங்களே ஆகும் நிலையில், முதல் ஆளாக இந்த நியமனத்துக்கு கண்டனம் தெரிவித்திருக்கிறார் தமிழக பாஜக தலைவர் நயினார் நாகேந்திரன்.
மேலும் படிக்க »
இந்த செய்தியைப் பற்றிய கருத்தை பதிவு செய்யுங்கள். மேலும் இந்த செய்தியை உங்கள் நண்பர்களுடன் பகிர்ந்து கொள்ளுங்கள்.
